Luku 19:42 - Anatunya Buku Baepole Ole Testamene Pii Lapo dee Nuu Tesamene

⁴² ee lao dopa leya. Nakama koo soo kararami renge doko epapu mana nyimili yaka lao suu pilyu. Suu pyapunupape renge doko yambe pyaro karapyamosa kando sepa nalyaminyi.

Luku 19:42 ပူးပေါင်းရင်းမြစ်များ

Samu 32:6

Embena pii mondo laominyingi wambu dupwame yuu gii randa epelyamo dokopa emba kando loma serami ingilyamo. Randa dupwa apunda ingyuo kulimbwanyi peyo epenge dokopa randa epenge dokome nakama nyera ingya nangepya.

Aisaya 44:18

Wambu doo nakama yale doko angi mende pilyamanoko lao kopyali ingyuo karo aki pilyamano lao see nange. Nakama lenge raa nao ayemba suu pipala pyuo karo kinyi angi doko kanda nange.

Aisaya 55:6

Kamongo baa keta kapu kyuo papala ateŋa lalapape. Dakepa baa nakama repeta epo karamo.

Isikiolo 33:11

Namba Kamongo Mupwa Andake Wakasa doko Anatu karalu karene dokome nambame kinyi leto. Akali mende koo pyuo karo kumara ramo doko rae maiyuo kanda naro. Baa koo dupwa yaki nyepala karalu kararamo kandapuli yaka. Isaraele wambu dupwame koo pilyaminyi doko yaki nyuo kaeyalapape. Akipamo nakamba kumalana suu pilyamisi?

Luku 19:41

Lapala repeta epo anda malu repe repe pyuo karenge doko kandapala

Luku 19:43

Dokona lao yuu gii mende pyaka seramo dokopa nakamana yanda pimwai dupwame nakama pipa karo awali lapala nakama parami kata dorena upi lao otapala kamame repe repe pyuo kata wakale wakale pyala eparami.

Luku 19:44

Epapala nakama pyao lalyinyi nembo nakamana wane wanakepe dokona pisirami dupwa pyao kokwa seramioko. Kana mendena kana yango kamba ketae sinya lao kaeya narami. Anatumi nyisala epamolamo lao soo gisa nayami dokona pira, leya.

APOSELENA YULU 10:36

Anatumi banya pii doko Isaraele wambu lamaiya doko silyaminyi. Baa Yesu Koraisa wambu peparaena Kamongo doko keta baame nakama mona anda kyuu lao seramopa kararaminŋi lao waili pii keyange doko lamaiya.

APOSELENA YULU 13:46

Dopa pyuo leyaminyi dokopa Pole Banapasapa eŋa pyapala, Anatunya pii doko nakama wambo langiramba ingyapya leyambi. Ingyapyamopape nakama pii doko soo matarena nembami dokona kyakana renge palu palenge doko nyerama ingya nalyamo lao suu pyamisa nakama yaki nyuo wambu rara wakale dupwa kando lamairamba ingilyamo.

Dutaronome 32:29

Yanda pimwai dupwame nakama akipamo anamasi minyiyamipi lao soo nyii nalyaminyi. Apa pyuo piyape lao soo gisa nalyaminyi.

Ipuru 3:13

Yangonemoo epapu nee silyamo dolapokoŋo yulu koo dokome kunji pyao mona kana poko nyii nana lao yango sukusa piimi lao porainyi pyambwalapape.

Ipuru 3:15

Pii dake Baepole dokona letamo. Epapu Anatunya pii serami ramo dokopa yuu muiyane dokona mona kana pokapala Anatupa male male lao kamba lao kareyami kande dokonako palyuo pii nalapape.

Ipuru 3:7

Imambu Poo Pyasimi lao dokopa, Epapu Anatunya pii serami ramo dokopa