Luku 19:26 - Anatunya Buku Baepole Ole Testamene Pii Lapo dee Nuu Tesamene

²⁶ Baame lao, Dopa langilyu, wambu bange minyuo karaminyi dupwa peparae konda pyuo mairu. Wambu mendeme bange angi ingyuo minya napala kuki minyuo karaminyi dupwa range nyeroko leya.

Luku 19:26 ပူးပေါင်းရင်းမြစ်များ

2 Samyuele 7:15

Dokona nambana mona reto alowa pii nange renge doko Sole keta nyisa nyiyu doko suu pyao baa keta nyisa nyii naro. Sole keta dopa piyunu doko emba banya panda nyuo kiŋi karalase lao piyu.

Matyu 13:12

Dokona lao akali mendeme kuki lama soo karara ramo doko maiyuo konda piramopa malu sera. Akali mende angi poraiyuo minya nao karara ramo doko kuki lama seramo dolapo range nyera.

Matyu 21:43

Dokona nambame nakama dopa langilyu, leya Yesumi. Anatunya isingi yulu nakama keta pali nana lapala range nyuo wambu rara wakale jingi mondo lao lyuo kararami dupwa maira.

Make 4:25

Keyange minyaro karaminyi dupwa konda pyuo nyerami ingilyamo. Angingyuo nyepa nalyaminyi dupwa kuki lama minyilyaminyi doko Anatumi range nyera ingilyamo.

Luku 16:3

Dokopa bange rapu pingi akali doko monarena dopa lao suu piya. Nambana kamongo dokome nambana rapu pingi yulu kaepala puu letamo dokona apa pirose? Namba andapae ingyuo karo dokome yuwale kyasuwape yulu andakepe pinya saka napala nenge mee jinya lao kee lao kararo dokopa elyaro.

Luku 19:25

Dokopa nakamame baa lamaiyuo, Kamongo, banya kana akalisa silyamo kande leyami.

Luku 8:18

Dokona nakama wangu lakapala selapape. Dokona lao mendeme Anatunya pii dokona nyiya lao wangu lakapala sera ramo doko Anatumi maiyuo konda pira. Wangu lakapala sepa nara ramo doko kuki lama kapa sepelyo lao suu pyaramopape Anatumi baa soo nyiya dolapo range nyera, leya.

APOSELENA YULU 1:20

Dokona lao Dapitinya kenane pingi buku dokona pii dopa lao pyasi palamo. Banya yuu andape apa sera, wambu mende dokona pali nana. Pii mende opetae palamo, Banya rapu pingi yulu baa range kaepala mendali nyinya.

2 Jone 1:8

Yulu andake piyami doko mee isa paramopa nyeramili dupwa papu pisasarami dokona waso karalapape.

Orepalaisane 2:3

Nambana kingi dokona lao randa nyepala waa waa lao maka nao pyuo karaminyi doko namba silyu. Dopa pyuo karaminyipape nakama keta pii mende palamo doko wamba kanda soo mona reteyaminyi doko kaeyapala epapu mende suu pyao karaminyi silyu. Yulu doo wakasa palyuo pyuo kareyami doko epapu isa pelyamo dokona poraiyuo masalapape. Kondapala mona kapu kyuo wamba yulu piyaminyili pyuo dee sipurao pyuo karalapape. Dopa pyuo pii narami ramo namba waiya lao epapala nakamana kendapuli minyingi bange doko nyuo nembaro ingilyamo.

Orepalaisane 3:11

Namba waiya lao eparo ingilyamo dokona lao nakama renge keyange kando nyiyami dupwa poraiyuo minyaro karalapape. Dokopa nakama keta keyangena renge palamo dupwa isa pakara ingya nalyamo.

1 Samyuele 15:28

Dopa piyamo dokopa Samyueleme baa lamaiyuo, Kamongome Isaraele wambu dupwana kiŋi yulu embena doko epapu nyepala emba yale daa akali keyange wakasa mende keta maipya, leya.

1 Samyuele 2:30

Ilai embena ree palu dee embena rarape dupwa namba Kamongo Isaraele wambunya Anatu dokome purisi yulu yuu peparaena piramiŋi lao langyuo kaeyo leyo kande. Dopa leyoko doŋo dee dakepa nakambameko pyakamili lao suu pyaa nalyo. Nakambame pingi kandale doko suu pyao mendeme namba lakanda minya minya pirami dupwa kando isingi dopako pyuo lakando dee namba kilya kandanyi nembarami dupwa isingi kilya kandaroko.