Luku 18:43 - Anatunya Buku Baepole Ole Testamene Pii Lapo dee Nuu Tesamene

⁴³ Dopa leyamo dokopa banya lengeme aopa rolae kandeya. Kandapala Yesu kata peyamo dokona role pyao Anatu ange lao ketae pyambuo peya. Dokopa wambu peparaeme kandapala Anatu lakandeyami.

Luku 18:43 ပူးပေါင်းရင်းမြစ်များ

Samu 107:15

Nakamame Kamongo banya mona reto puu penge dokona baa ange lao dokopa yulu keyange nakama keta pyakamyuo karamo dupwana baa ange lapenge ingilyamo.

Samu 107:8

Nakamame Kamongo banya mona reto puu penge dokona baa ange lao dokopa yulu keyange nakama keta pyakamyuo karamo dupwana baa ange lapenge ingilyamo.

Aisaya 35:5

Lenge koo dupwa lenge rao kando kalepoe dupwa pii soo pirami.

Aisaya 42:16

Nambana wambu lenge koo dupwa kata laminyaronopa nakama kata wamba kando paa nange kyakasa dupwana pao kararami. Dopa pyuo nakama iminjinginya petaminyi doko yanganyi reto nakamana lenge kambu dorena yuu pulyuo lupyuo pingi dupwa pyao rambikwanyi reto piru. Doo leto dapwa nambana lalu lao lenge pii letoŋo. Nambame yaki nyerono kando lao minyaro kararo.

Aisaya 43:21

Nakama nambana wambu namba rangeme wasiyunu petaminyi dupwame namba lakando kenane pyarami ingilyamo.

Matyu 11:5

Lenge kwaenge dupwa lenge rao, kimbu koo dupwa kata papyuo, rapa nenge dupwa loo lao, kale poenge dupwa pii soo, kumasi dupwa sipurao epo, pendewa wambu dupwa waili pii keyange doko boo pyao lamwanopa soo pilyaminyi.

Matyu 21:14

Dokopa wambu lenge koo kimbu kwaengepe dupwa baa tembole anda kareyamo dokona epeyaminyisa baame elya pyuo nyiya.

Matyu 9:8

Dopa piyamo doko kandapala wambu malu kareyaminyi dupwa pakayami. Pakapala, Anatumi isa akali renge palyuo yulu dopale pyuo karena lapyalyamo, lapala Anatu lakandeyami.

Luku 13:17

Baa dopa pyuo leyamopa yango palyuo kareyami dupwa elyuo peyami. Dokopa mee wambu dupwa peparaeme baa yulu ama keyange pyuo kareyamo dupwa kando raeko maiyuo kareyami.

Luku 19:37

Baa repeta epo yuu Olipi Kyau manda dokona epeyamo dokopa disaepole ama malu kareyami dupwa peparae kanda soo mona pyakalyuo pyao pii porakaiyuo kaeyo lao yulu andake wakasa malu kandeyaminyi dokona Anatu lakando kareyami.

Luku 4:39

Dokopa enda doko siyamo dokona karo yanenge isare rao anga piyamo doko yaki nyuo manda rao pena leya. Leyamopa baa mee ingiyamopa enda dokome aopa sipurapala nakama nenge pyuo isaro pyuo kareya.

Luku 5:26

Dopa piyamo dokopa nakama peparae ama mona nembapala Anatu lakando pakame kumuo, renge andakende pipyamo kando yamarangulyamano, leyami.

Luku 9:43

Dokopa wambu peparae, Anatu baa ama porai wakasa karamo, lao mona nembeyami. Baame yulu wakale wakale pyuo kareyamo dupwa kandapala wambu peparaeme yako lao kareyaminyipa baame banya disaepole dupwa kando dopa lamaiyuo leya.

APOSELENA YULU 11:18

Pii doko sepala isingi mende lalana saka nayami. Saka napala Anatu lakandao ketae pyambwapala Juu daa wambu rara wakale dupwa opetae keta Anatumi mona enenge palyapala kyakana renge doko nakama keta palena leyalyamo, leyami.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

APOSELENA YULU 4:21

Dokopa nakamame nakamba kaena lao dee kamba pyalana pipala aki rengendena nakamba puu mairama lao pii angi larami ingya naya. Mee wambu dupwa imbwuarami lao suu pyapala nakamba kanjakala mee pena leyami. Wambu dupwa peparaeme Anatu akali pyuo nyipyaŋa lao baa lakando kareyaminyisa saka nayami.

Galasia 1:24

Leyaminyi sepala nambana yulu dokona kando Anatu lakando kareyami.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.