Luku 17:29 - Anatunya Buku Baepole Ole Testamene Pii Lapo dee Nuu Tesamene

²⁹ Kareyaminyipa Lote baame yuu Sotoma yaki nyepala peyamo dokopa isarepe loo lao kanape yake dokona piso bolombalo lao epapala nakama peparae rao kokwa sulu soo siya.

Luku 17:29 ပူးပေါင်းရင်းမြစ်များ

Aisaya 1:9

Kamongo Porai Wakasa dokome apa pilyaminyi lao kata kandala pena lao laa nayali doko Jerusaleme mende yapa ronge nyii nao yuu Sotoma Gomorapana piyamo dopale ingyuo pupyali.

Osia 11:8

Isaraele wambu dupwa nambame nakama apa pyuo yaki nyuo kame soo kaeyarose? Yuu taone Atama Sepoimipa pyao kokwa siyunuli pyuo nakama pyarose? Namba nakama mona retapu doko mee ketae ketae reta nange dokona nakama pyaro ingya nalyamo.

Emosa 4:11

Kamongo dokome dopa lamaiyuo, Nambame yuu Sotoma Gomorape pyao kokwa sinyi nembeyo dopale ingyuo nakama lapo pyao kokwa sinyi nembeyo. Nakama lapo pyarepala peyami dupwa poo rao pao isa mende rao wapu lenge dopale ingyapala lete peyami. Dopa piyunupape nakamame namba kareyo dokona kapu kyuo epa nayamiko.

Luku 17:28

Dokonako ingyuo akali Lote kareyamo yuu gii dokopa dopako pyuo kareyami. Nenge nao waene ipwange nao bange ropo pyao nyuo dee maiyuo kana nyuo, ee wara pyuo anda pyuo kamenge pyuo kareyami.

Luku 17:30

Dokona palyuo yuu gii Ikinyingi Akali doko panembena eparamo dokopa dopako pyuo kararami ingilyamo.

2 Pita 2:6

Yuu mendepa baame yuu Sotoma Gomorapa kando epe nasepala isare dokome rao ranga sinya leyapya. Wambu enakana dupwana lapo Anatunya kingi isa nembasarami lao kandaro laoko pyao kokwa siyapya.

Juti 1:7

Yuu Sotomape yuu Gomorape dee wambu wakale dokona repeta karenge dupwame aŋala yulu kopetame piyami doko suu pyao kepo pingi yulupi akali yango sukusa nyuope pyuo kareyami. Wambu peparae awa awa pyuo kapa serami lao nakama isare rao karalu karenge dokona randa nyuo karaminyi.

Orepalaisane 11:8

Dokopa taone andake Kamongo Yesu isa mamandona pyao palyiyami dusa ingyuo barete mendena nakambana yanenge mee sera ingiya. Taone doko kongwalu pii palyili lao kingi Sotoma kingi mende Isipi lenge.

Orepalaisane 14:10

doko baa Anatunya imbu singi nyingi waene ipwange doko nara leya. Anatumi mee ipwa pipa minyuo pyasalya pyasana pyuo pii nara. Anatu banya imbu singi doko pee kapo dokona kulimbwanyi palyapala dokopa nena lara. Aŋala poo pyasipi dee Sipisipi Ikyanena lenge kambu dolaponape karo ipwange doo isareme rao lulyakasisi randa andake pingi dopale naminyipa nakamana randa nyingi doko isare kyau ingili lao pao karalu karara.

Orepalaisane 19:20

Dopa pipala mena koo doko banya poropeta angi daandepa pipu lao kemali pyuo role pyao papingi dolapo nyuo puu maiyami. (Poropeta dokomeyoko wamba yulu andake pyuo wambu malu minyoko piyamo kata dokona ingyuo mena koona make nakamana enamba dokona paleyamopa bange mena koo baa dopale kingimi wasapala kingi lao kareyami.) Nakamba kando yanda pimwaiyuo pipala mena koo doko banya kyambo lenge poropeta akali dokope isare rao lulya kaso karenge andake dokona kupinyi pyambuyami.