Luku 16:26 - Anatunya Buku Baepole Ole Testamene Pii Lapo dee Nuu Tesamene

²⁶ Dee mende pipyamo doko kandape. Emba dumurena petene nambwa darena petambano suku dokona rapu wakasa palu palyuo palamo. Daerena karo emba petene dolorena epanya pirami doko saka narami. Dolorena karo namwa petamano daerena epanya pirami doko saka naramiko ingilyamo leya.

Luku 16:26 ပူးပေါင်းရင်းမြစ်များ

Samu 49:14

Nakama mena sipisipi kumuli lapa pirami. Piraminyipa kumunginya renge dokome nakamana mena sipisipi rapu akali ingyaro karara. Wambu dasipa kumapala nakamana yanenge kakapangepe nakama rangena anda nanesa karo kumunginya yuu dokona palyuo waiya lao rumbyuo kwaeyarami. Kwaeyaraminyipa rolae pingi dupwame nakama anamasi minyarami.

Malakae 3:18

Dokopa wambu lapo yulu rolae pingipi rolae pii nangepe dee wambu nambana yulu pyakangepe pyaka nangepe dupwana wakale wakale doko nakama kamba kandarami, leya Anatumi.

Matyu 25:46

Dokona nakama yaki nyepala randa nao karalu karala paraminyipape rolae pingi wambu dupwa kyakana renge palu palenge doko nyerami leya Yesumi.

Luku 12:59

Dopa pyuo pii nare ramo emba nyuo karapusi andana pyambwaraminyi dokopa bange peparae beta pyapala kumasi kana maiyuo lyolo pirinyi gii dokopako mokwara leya.

Luku 16:25

Dopa leyamo dokopa Aporakame dopa leya. Rakane, emba lete karo dokopa embena bange keyange dupwa nyuo kareene doko suu pyao Lasarasa koo dupwa nyuo kareya kande. Dopa piyambinyipa epapu alowa pipala baa dakena mona minyarambwamwanopa petamo, emba randa andake nao petene.

Luku 16:27

Dopa leyamo dokopa baame dopa leya. Rakane wamba lapu doko kaepala, nambana rakangena anda dokona Lasarasa pena lakape.

Jone 3:36

Ikinyingi baa kapa ingingi lao suu pyapala mona maiyuo karaminyi dupwa kyakana renge kulisa palu palenge doko nyerami. Mendeme Ikinyingi doko laramuli pyuo pyuo kara naramo doko kyakana palenge renge doko kando nyii nara ingyaramopa Anatunya imbu singi doko baa keta palira.

Orepalaisane 20:10

Dokopa Satane wambu dupwa pipa panga soo kareyamo doko Anatumi nyuo isare rao lulya kaso karenge andake dokona pyao nembara ingiya. Baape mena koo dee poropeta kyambo lenge dokope isare dokona rao karalu kararami ingiya.

Orepalaisane 22:11

Akali yulu koo pirami ramo doko kata dokonako pipape. Dee kwao kararami doko dopako pyuo karalapape. Keyange pirami dupwa dokonako pyuo karo. Dee poo pyasi yulu pyuo kareyami kande dupwa dokona pyuo karo pipape.