Luku 15:18 - Anatunya Buku Baepole Ole Testamene Pii Lapo dee Nuu Tesamene

¹⁸ Kala rakane karamo dokona papala dokopa dopa lamairu. Rakane nambame yake panda kandope dee embena lenge kambu dokonape yulu koo piyu.

Luku 15:18 ပူးပေါင်းရင်းမြစ်များ

Poropepe 23:13

Wane wanake dupwa pyao mondo lao mana lare doko kumaraminde daa. Dokona wane wanake dupwa mee wamya lyuo karena lapala mange karo kaeya napipi.

Aisaya 63:16

Emba doko namwana rakange angi. Namwana rora ambasu Aporakame Jekopepame namwa soo nyii nange. Dopa pimbinyipape emba Kamongo namwana rakange dokome yuu peparae namwa koo dupwana nenge raka lao nyuo karenge.

Jeremaya 31:20

Isaraele nakama nambana wane mona wakasa retenge ingyuo karaminyi. Wane nambame mona angingyuo retenge dupwa nakama iki. Yuu lapo nambame nakamana kingi dokona arome pyao dokopa nambame nakama mona reto suu pyao lenge. Nambana mona doko nakama keta silyamo. Nambame nakama sakame kumuo kararo.

Daniele 4:26

Aŋala dupwame isa sinju doko mee yuu dokona petena lao pii leya. Dokona renge angi doko embame Anatumi yuu muu dupwa peparae rolo rapu pyuo karenge lao larene dokopa emba dee kamba range kiŋi karare.

Jona 2:4

Namba dopa lapu. Namba emba karene yuu doko yaki nyepala puu lapinyi dokona embena tembole anda poo pyasi keyange doko kamba kandarope daa?

Jona 3:9

Dopa piramano dokopa Anatumi banya suu pingi alowa pipala doko imbwa nara ramo doko namwa dee kuma narama, leyami.

Matyu 3:6

Papala nakamana yulu koo dupwa polo leyaminyipa ipwa Jotane dokona baame bapitisimo nyakamipa pyuo kareya.

Matyu 6:14

Dokona lao nakama akali nakama pipya kopetame pingi dupwa nyuo kame sakamirami ramo dokopa nakamana Rakane yake panda karenge dokome nakamana koo dupwa nyuo kame sakarako.

Matyu 6:9

Dokona ateŋa dapale lalapape. Namwana Rakane yake panda karene doko, embena kingi doko poo pyasi ingyuo palenale.

Matyu 7:11

Dokona suu pyao nakama koo ingyuo petaminyi dokome wane wanakepe dupwa bange keyange maingi doko suu pyao Rakane yake panda karenge doko wakasa ingyuo karamo dokome baa piso serami wambu dupwa renge keyange mai narase?

Luku 11:2

Dokopa baame nakama dopa lamaiya. Nakama ateŋa lalana dokopa dopa lao lalapape. Rakane, embena kingi doko poo pyasi ingyuo palenale. Embena isingi yulu doko epo palenale.

Luku 15:17

Maiya nayaminyipape baa mona epo paleyamo dokopa dopa lao suu piya. Nambana rakangena yulu pingi akali nenge kapa naminyipa mee kakana sipyamo karalyaminyi. Doko doŋo namba lopo pipyasa kumalyanoŋo.

Luku 15:19

Namba kwao karo dokona namba embena ikinyingi angi larami doko kapa ingya nalyamo. Namba embena yulu pingi akali dopale inginyi pyambwape laro leya.

Luku 15:21

Dokopa ikinyingi dokome baa lamaiyuo, Rakane, nambame yake panda kandope embena lenge kambu dokonape yulu koo piyu. Namba kwao karo dokona namba embena ikinyingi angi larami doko kapa inya nara leya.

Luku 18:13

Dopa leyamopa takisi nyingi akali baa dumbisale karo yake panda kandapuli lao suu pyaa napala kandalyuo kanda nao banya kyangali kingi dokome kapa kapa pyuo, Anatu, namba koo doko namba kandapala nyiso karape, lao kareya.