Luku 15:13 - Anatunya Buku Baepole Ole Testamene Pii Lapo dee Nuu Tesamene

¹³ Yuu gii mendasipa epo papeyamopa ikinyingi enakana mandeyamo dokome banya pinji peparae nyepala kata nyuo pao yuu nanesa mendena peya. Papala yulu kopetame pyuo banya bange dupwa ukiaki minyiya.

Luku 15:13 ပူးပေါင်းရင်းမြစ်များ

Samu 73:27

Kinyi, enda akalipi emba yaki nyeraminyi dupwa kumuo parami ingyaramopa lapome embapa mondo lao au pyuo kara naraminyi dupwa embamekokwa sinyi nembo karare.

Aisaya 1:4

Nakama mena kuiyalana pilyaminyi anda epenge dopale ingyuo karaminyi. Nakama yuu dakena wambu dupwa mona pali napyamo koona para pyasi wambu ingyuo pelyaminyi. Embena Isaraele wambunya Kamongo Poo Pyasi Anatu doko embame mata maiyuo kaelene. Koo pilini dokome emba nyuo isa pyakalopyamolamo lao silyu.

Aisaya 30:11

Namwana kata doko rokwaka napala namwana kata dokona kakondo karalapape. Isaraele wambunya Anatu Poo Pyasi dokona lao laraminyi selana lao suu pyaa nalyamano, lenge.

Jeremaya 2:13

Dokona lao nambana wambu dupwame yulu koo lama ingyuo piyami. Nakamame namba ipwa kamuo nenge guu lao epenge doko mata jiyami. Jepala nakamame ipwa pete sinya lao yuwale kyasiyami. Kyasiyaminyipape yuu kipwa kipwa dupwa yando nao poro lao rali pipala ipwa naku pao karo angi see naya.

Jeremaya 2:31

Isaraele wambu dupwa nambame apa letene lao selapape. Nambame nakama kando yuu muiyane dopale ingyuo dee yuu iminjingipi randa sipurengepe yuu dopale ingyuo karose? Namba dopa pii nange dokona akipamo nakama namba karo dokona kapu kyuo epa naramaŋa lao yulu nakama rae mailyamanuli pyuo pinya letamisi?

Jeremaya 2:5

Kamongome letamo. Aki yulu koo lapo embena rora ambasu dupwame namba keta kando nyiyamisi? Aki mendeme nakama namba yaki nyuo peyamisi? Nakamame mee bange angi daale dupwa lakando papala nakama kapa palyuo kara nalyaminyi.

Maeka 6:3

Kamongo dokome dopa letamo. Nambana wambu dupwa nambame nakama pipya apa pipu? Nambame apa pyuo nakama mona kendanyi pyambwapusi? Isingi langyalapape.

Luku 15:12

Dokopa enakana mandeyamo dokome banya rakange doko dopa lamaiya. Rakane, moyange bange nyeroli dupwa dakepa jii leya. Dokopa banya bange dupwa nakamba mokwa soo maiya.

Luku 15:14

Bange peparae oteyamo dokopa yuu dokona lopo andake sepala nenge pyambe neya.

Luku 15:30

Jii naenepape embena ikinyingi doko embena bange dupwa enda pamakae keta kokwa sinyi nembapala papyuo karo ipyamo dokopa bulamakao ikyane rondo lasi pyakamipilyamo, leya.

Luku 16:1

Baame dee pii mende disaepole dupwa lamaiyuo dopa leya. Bange malu retenge akali mende kareyamo dokopa akali mendeme banya bangepe yulupi rapu pyuo kareya. Yuu mendepa akali kamongo doko banya yulu akali doko banya bange dupwa ukiaki minyiya doko lasi pii siya.

Luku 16:19

Akali bange malu retenge mende kareya dokopa komau konepe komau keyange wakasape pee pyuo yuu peparae nenge keyange malu nao pyuo kareya.

Epesasa 2:13

Dopa pyuo nanesa kareyaminyipape epapu nakama Koraisa Yesu keta banya ranjama isa peyamo dokome nakama banya arapunya karaminyi.

Epesasa 2:17

Baame Anatupa Juu wambupi Juu daa rara wakalepe koto nyepala mona mendare palyingi waili pii keyange doko boo pyao lamaiya.

2 Pita 2:13

Wambu yango moŋo mailyaminyi dokona nakama range keta moŋo doko sela epara. Nakama yangama alemanji lao yongona pundamu kumuo pyuowaneme suu piyami dupwa pano pilyaminyi. Nakamba nakama pipya nenge nao yalya kando pisiminyipape nakamana panga singi yulu dupwa pyuoko karaminyi.