Luku 12:9 - Anatunya Buku Baepole Ole Testamene Pii Lapo dee Nuu Tesamene

⁹ Laramopape mendeme isa akali dupwana lenge kambu dokona pako karo namba mata joo nambana kingi laa narami ramo doko Akalinya Ikinyingimi Anatunya aŋala dupwana lenge kambu dokona baa mata maiyuo banya kingi laa narako.

Luku 12:9 ပူးပေါင်းရင်းမြစ်များ

Matyu 10:33

Laronopape isa akali dupwana lenge kambu dokona namba mata joo larami wambu dupwa peparae nambana Rakane yake panda karenge dokona lenge kambu dokona nambame nakama mata maiyuo laroko.

Matyu 25:12

Dopa leyaminyipa baame isingi lao, Kinyi langilyu, nambame nakama apimoo lao kando gisa nange, leya.

Matyu 25:31

Ikinyingi Akali baa aŋala dupwa peparae pale pale yanga paupau lao epapala dokopa baa banya kiŋinya petenge yanga paupau lenge dokona pisira.

Matyu 25:41

Lapala banya kingi kyairena kararami dupwa lamaiyuo dopa lara. Nakama koo keta palirami dupwa, namba yaki nyepala pao isare rao karalu karene dokona Satanemoo banya aŋala koo dupwa pipya kararami dokona pupwa.

Matyu 7:23

Dopa larami dokopa nambame nakama lamaiyuo, Nambame nakama kanda nange. Yulu koo pingi dupwa namba yaki nyepala pupwa, laro leya.

Make 8:38

Wambu malu Anatu suu pyaa nao koo pyuo karaminyi doko kandapala mendeme elyapala nambana kingi laa nao karara ramo doko namba Ikinyingi Akali karo dokome Anatunya yanga paupau lenge renge nyepala aŋala poo pyasi pipya role pyao eparono yuu gii dokopa akali doko kando elyapala banya kingi laa naroko.

Luku 15:10

Doko suu pyao dopa langilyu. Wambu yulu koo pingi mendakindeme koo dupwa yaki nyepala mona enenge palyuo kararamo dokopa Anatunya aŋala dupwame kando mona pyakalyuo pyao kararami leya.

Luku 22:57

Dokopa baa daa lao, Enda, nambame baa kando see nange leya.

Luku 9:26

Mendeme nambana pii dokonape nambana kingi dokope elya nyuo karara ramo doko, Rakangemoo aŋala poo pyasi dupwa pipya yanga paupau andake lao eparaminyi dokopa Ikinyingi Akali dokome yanga paupau andake lao epapala wambu nakama kando elya nyerako.

2 Timoti 2:12

Namwa Anatunya yulu reto kaeya nao pyuo kararama ramo doko baapa role pyao iso kararamasa pira. Banya kingi reto kaeyarama ramo doko baame namwana kingi reto kaeyarako.

1 Jone 2:23

Mendeme Ikinyingi karamo pii doko soo nembapala lao karara ramo doko Rakange soo nyii nao larasa pira. Mendeme Ikinyingi karamo pii dokona palyuo lara ramo baa Rakange opetae soo nyepala larasa pira.

1 Jone 2:28

Kurisene wanenge ikinyingipi dupwa baa pano eparamo dokopa namwa eŋa nembo karo banya lenge kambu dokona inyimungu elya nao karapuli yaka lao epapu banya arapu dokona pisipwape.

Orepalaisane 3:8

Nakamana yulu pyuo karenge dupwa namba kandelyo. Kandalapa. Nakamana kambu dowa lumbwakapu doko mendeme upi larami ingya nalyamo. Nakama kamame porai ingyuo kara nayaminyiko doŋo nambana pii leyonuli pyuo pyuo karapala nambana kingi doko yaki nyii nalyaminyi.