Luku 11:53 - Anatunya Buku Baepole Ole Testamene Pii Lapo dee Nuu Tesamene

⁵³ Yesu baa yuu doko yaki nyuo panya piyamo dokopa Mawa Pii mana lenge akali dupwape Parisi dupwapeme baa piso sokondali pyuo pii malu lapyali lao angalye piyami.

Luku 11:53 ပူးပေါင်းရင်းမြစ်များ

Jeremaya 18:18

Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Jeremaya 20:10

Namba sipunu dokopa wambu peparaeme isa isa paeyo lao, Yuu peparaena paka renge dokonako maipilyamoŋo, letaminyi. Gapomane akali dupwa banya lao lamaimanale. Dopako pyuo nambana puu minyingi angi dupwame namba koo keta palepe lao kandaro karaminyi. Nakamame lao, Mendeme baa alyikilyi pyuo nyuo iso kota nembara dokopa namwame baa minyarapala moŋo mairama, letaminyi.

Luku 11:52

Nakama Mawa Pii singi akali dupwa randa epara ingilyamo. Singinya renge anda dokona kii ikyane doko retaro karaminyi. Nakama kolando paa napala wambu kolando panya lao kareyami dupwa kaena lao daa lao kareyami, leya.

Luku 11:54

Baa pii koo kote laramali mende larape lao lyakaro iso kareyami.

Luku 20:20

Dokona nakamame baa kandanyi lyakao karo akali lapo lee minyuo karala pena leyaminyipa nakamame pii karalunja nembo lao karaminyi lao suu pinya lao nupi soo kareyami. Baame pii mende kopetame laramo dokopa baa kyapo mupwa keta pyarapanyi peeyo baame kote lena larama lapala dopa piyami.

Luku 20:27

Dokopa Satyusi akali namwa kumuo palipala lopo epa narama ingilyamo lao karenge dupwa baa kareyamo dokona epapala

APOSELENA YULU 26:9

Namba wamba Yesu Nasarete range dokona kingi dokona yulu malu pyuo sisu nyuo karapengele ingilyamo doko keyange lao suu piyu.

1 Korina 13:5

Wambu mona retenge dokome mena marakai ingya nao rangena yeelyo suu pyaa nao gyaa see nao karenge.

2 Korina 8:6

Taitesa dopako pyuo nakama keta epapala yulu kanda soo piyamo doko pyulu pyuo pinya lao poraiyuo lamaiyama. Dopa piramo dokopa nakama Anatu mona reto yulu andake pilyaminyi doko baame nyisaramopa pyuo otalu oto otarami.