Luku 11:46 - Anatunya Buku Baepole Ole Testamene Pii Lapo dee Nuu Tesamene

⁴⁶ Leyamo Yesumi, Mawa Pii singi akali dupwa nakama opetae randa narami ingilyamoko. Akali bange kenda maiminyi randa nao soo puminyipape nakamame kingi pambu dokomepe nyiso minya nalyaminyi.

Luku 11:46 ပူးပေါင်းရင်းမြစ်များ

Aisaya 58:6

Nambame nenge wasaka pyuo petenge yulu mende suu pilyu doko dake. Wambu lapo mona kendo randa nyilyaminyi dupwape dee wambu lapo nakamana yangome nakama kando rolae ingyuo pyakamyuo kara nalyaminyi dupwape kiiramo nyerami ingilyamo.

Matyu 22:35

Dokopa nakama kareyami dokona Mawa Pii singi mendeme baa apa letape lao selana makande pyuo mende piso siya.

Luku 11:45

Mawa Pii singi akali dokona mendeme baa dopa lao lamaiya. Mana Lenge, embame dopa lalene doko namwa opetae lao nembapisa pipya leya.

Luku 11:52

Nakama Mawa Pii singi akali dupwa randa epara ingilyamo. Singinya renge anda dokona kii ikyane doko retaro karaminyi. Nakama kolando paa napala wambu kolando panya lao kareyami dupwa kaena lao daa lao kareyami, leya.

Galasia 6:13

Dopa pipyamopape kalomenge yulu pimi dupwameko Lowa dokona range minya nalyaminyi. Nakama kalomo pirami ramo doko nakamame namwana pii kamba laa nao kalomenge yulu dokona epakalyaminyi lao mangalyarami.