Luku 11:36 - Anatunya Buku Baepole Ole Testamene Pii Lapo dee Nuu Tesamene

³⁶ Embena yongo peparae yanga paupau laramopa dokome kuki lamape iminja nara ramo doko lambe keyange rao dokopa yanenge peparaena yanganyi peenge dopale ingyuo paresa pira leya.

Luku 11:36 ပူးပေါင်းရင်းမြစ်များ

Poropepe 1:5

Dopa pyuo pii palamo dakena mana nyeraminyi dokome mona palenge soo nyingi akali dupwame kamame soo londaraminyipa mana nyisi wambu dupwa dee konda pyuo soo mana nyerami.

Aisaya 42:16

Nambana wambu lenge koo dupwa kata laminyaronopa nakama kata wamba kando paa nange kyakasa dupwana pao kararami. Dopa pyuo nakama iminjinginya petaminyi doko yanganyi reto nakamana lenge kambu dorena yuu pulyuo lupyuo pingi dupwa pyao rambikwanyi reto piru. Doo leto dapwa nambana lalu lao lenge pii letoŋo. Nambame yaki nyerono kando lao minyaro kararo.

Aisaya 8:20

Embame wambu dopale dupwana pii yano pyakamyuo dopa lamairi. Nakama Kamongo Anatumi aki mende mana langyalyamo lao kale yuku selapape. Ropakape pipu lengepe dupwa kale yuku sakami nalapape. Dopale langilyaminyi dokome nakama uki minyara ingilyamo.

Osia 6:3

Dokopa Kamongo baa soo nyimwali lao suu pyao karamana. Dokona lao baa yuu rombe lao apunda epenge yuu gii dokopa epapala kaenge dee yuu yangenge gii dokopa yangapala kaenge doko suu pyao baa epapala kaeyara doko silyamano.

Matyu 13:52

Dokopa baame nakama lamaiyuo, Dokona suu pyao wambu Mawa Pii wambarae dupwa soo giso karapala yake pandana isingi yulu dokona sukusa parami dupwame, anda range akali mende banya bange kulisa rungi rungi pingi seramo dokona bange enengepe wambaraepe yapalyuo nyera dopale, ingyuo pelyaminyi leya.

Matyu 5:15

Doko suu pyao wambu lambe kaipala penge mendena pee pii napala rate singi dokona retenge. Dokopa anda dongepe dupwa peparaena rao yanga paupau lenge.

Luku 11:35

Dokona yangapyamo karene doko monarena iminja nana lao waso karape.

Luku 11:37

Yesu pii lao kareyamo dokopa Parisi akali mendeme baa nenge role pyao nambanale epena leya. Leyamopa andakare pao peteyambi.

2 Korina 4:6

Anatumi pii dake lao dokopa, Iminjingi dokona yango rale pira lao Anatu mendaki dokome banya yanga paupau lenge namwana monarena dokona rao karena leya. Dopa pyuo rao karena leyamo dokopa Anatunya yanga paupau lenge Koraisana lenge kambunya nyiya doko soo gisarama lao namwa keta langyuo jiya.

Epesasa 4:14

Dopa pyuo pirama ramo namwa wane kuki ingyuo wambu lapo yulu koona kendapuli ingyuo suu pingi kyai dokome namwa ukiaki minyilyasa panga soo nyilya nyana pyuo kararaminyipape namwa kao pele pele lao karenge dokona ingya naramasa pira.

Kolosi 3:16

Koraisana pii nakamana mona anda dokona palyuo ando nyimbunya. Nakamana mona anda dokona Anatu sangyu lao misi kenane dupwape imambunya kenane dupwape ipwa kyukunaiye maiyuo pena lao pyao karalapape.

Ipuru 5:14

Wambu angimi koo keyangepe pakana palyuo soo karenge dupwa nenge angi porai kapa nenge kandale.

Jemesa 1:25

Akali mendeme lowa keyange yapasi wambu kiiramo nyingi dokona poraiyuo sepala karo mee kalena ketae angi sepa nae naepe, waiya lao kame soo kara nangende ramo doko Anatumi nyisaramopa raeme kumuo para.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.