Luku 10:31 - Anatunya Buku Baepole Ole Testamene Pii Lapo dee Nuu Tesamene

³¹ Peyaminyipa purisi akali mende kata dokona lambuo peyapya. Pao akali siyamo doko kandapala pakiki palyama peya.

Luku 10:31 ပူးပေါင်းရင်းမြစ်များ

2 Samyuele 1:6

Dokopa akali dokome isingi lao, Namba yuu kyau Gilipoa dokona karapala kandapu dokopa Sole banya kaku dokome yuu dokona pii pyaro baa roya karapya. Dokopa mena oseme ipyuo penge uliuli dupwana yanda pela piso penge akali dupwape dee mena ose matana piso yanda pela penge dupwamepe baa repe kura lapala pyalena piyami.

Samu 69:20

Kingi kokwa soo laminyi dokome nambana mona doko kwaepyasa namba kopyali pakana palamo. Namba dopa pyuo pilini lao mendeme kenda dokona nakanju sepala mona minyaramburami kandena lao lengenyipunu dokopa mendali daa ingilyamo.

Ekelesiyastisi 9:11

Dee mende namba lao kandapu. Doko isa yuu dakena wambu puu lao makandelyaminyipape dupwana lapome wini pii nange. Akali paka mona manja nao yanda pingi dokopa yuu peparae wini pii nangeko. Akali mona palenge dupwame bange kanape dupwa yuu peparae mondo lao reta nange. Akali kyawa sisingi palenge dupwame yuu peparae bange malu reto kamongo ingyuo kara nange. Akali mora mora petenge dupwame yuu peparae kamame ulipilipi paa nangeko. Dopa pyuo yuu gii lapona wambu peparae embone kara nao randa nyingi.

Aisaya 58:7

Wambu lopange dupwa nakamana nenge maiyuo andana pali nange dupwa nakamana andana palyuo dee komau aeya nalyamo karenge dupwa komau wapunya lao maiyuo karo dokopa nakamana andare ree palu mendaki dupwa kaeya nao nyisarami ingilyamo.

Osia 5:1

Nakama purisi dupwa dake selapape. Isaraele wambu dupwa pii dake kale yukupala selapape. Nakama kiŋinya ree palu dupwa selapapeko. Nakamame kote dupwa rolae lapenge lyakande. Dokona nakama keta kote palira ingilyamoŋo kando karalapape. Yuu Misipa yuu kyau Tapo dolapona nakamame wambu nyuo koo keta palyalana anga pyuo kone makasi ingyaro silyaminyi.

Malakae 1:10

Kamongo Porai Wakasa dokome lao, Nakama mendeme tembole anda kambu dowa doko upi lamili leto. Dopa pirami dokome nambana kana pyare lasi dokona isare dupwa mee langa kisa namili. Nambame nakama rae mai nalyo dokona nambame nakamana nenge minyuo epo jeraminyi dupwa kando rae maiyuo nyii naro, letamo.

Luku 10:30

Dokopa Yesumi dopa isingi lao, Akali mende Jerusaleme karo lambuo pao Jereko panya peya. Peyamo dokopa akali kendepo nenge lapome baa nyepala komau rokwanyi nembo pyao reteyami. Baa repeta kumara ingiyamo dokopa yaki nyuo peyami.

Luku 10:32

Peyamopa Lipae akali mendeme epo kandapala dopako pyuo pakiki palyama kanjakalo peyako.

Uruti 2:3

Dokopa Uruti baa ee mendena papala yulu akali dupwame bali jingi pyakepo peyaminyipa baa matarena enakapala bali jingi yaki nyiyami dupwa yapo nyuo peya. Uruti baa kamenge ingyako Elimelekena ree palu kulisa akali Bawasena ee dokona peya.