Luku 1:70 - Anatunya Buku Baepole Ole Testamene Pii Lapo dee Nuu Tesamene

⁷⁰ Dokonako ingyuo yuu wamba dokopa banya poropeta akali poo pyasi dupwa keta pii mende leya.

Luku 1:70 ပူးပေါင်းရင်းမြစ်များ

Jenesese 12:3

Wambu lapome emba elyape keta pisarami dupwa nambame nakama elyape ketako pisaro. Dopa pirunupape wambu lapome emba koo keta palyarami dupwa kooko keta palyaro. Wambu rara wakale wakale dupwa embapa lapolapo lao elyapeketa pisirami, leya Anatumi.

Jenesese 3:15

Dokopa enda embapa imbu singi nyuo pisipwape, laro. Nakambana wai kiso nyerambi dupwa dopako pyuo pyakando pyuo puu parami. Baame embena ayemba kalyuo pyarakwara. Embame banya kimbu yukuna nao kumuo pyareko, leya Anatumi.

Jenesese 49:10

Juta embena rombelyame kaikwasi dokoisa paa nara. Embena rara doko kiŋinya rara ingyuo karalu kararami. Kamongonge bange dupwa reto karo pao range eparamo dokopa baa keta pyamalyarami. Wambu peparae baako kando warombo soo banya pii minyaraminyi karara.

2 Samyuele 23:2

Kamongona Imambu dokome namba keta pii letamo. Banya wai pii dupwa nambame lakare lao jingi.

Jeremaya 23:5

Kamongo dokome lao, Dapitinya para pyasi dokona yulu rolae pingi mende kiŋi inginya lao wasaro yuu gii doko epelyamo. Yuu liti dokona kapa kapa pyuo kiŋi dokome mona angi palipala anjuku rolae lao rolo pyuo rapu pyuo karara.

Make 12:36

Dapiti Imambu Poo Pyasi pii pyongo pyao mona dokona lamaiyamopa baa rangeme dopa lao pyao reteya. Kamongo dokome nambana Kamongo lamaiyuo, Nambana kingi rolaerename pisa ipupi. Embena yanda pimwai karenge dupwa nambame kui lanyi pyambwaronopa embame nakama isa palyuo kimbu yukuna dokome kalyare ingilyamo, leya.

Luku 24:44

Napala baame nakama dopa lamaiya. Namba nakama role pyao kareyamano dokopa nambame pii dopa langiyu kande, Mosesena Mawa Pii dokonape Anatunya poropeta akali dupwana pii dokonape kenane pii pyasi palamo pii dokonape nambasa kando lao palamuli pyuo pyaka sera ingilyamo langiyu kande, leya.

APOSELENA YULU 28:25

Dokopa nakama nakama range lao apiyanda pipala kanjakala peyami. Ene panya pyuo kareyami dokopa Pole pii mende dopa leya. Imambu Poo Pyasi dokome nakamana rakange kyawa duwpa lamainya lao Aisaya keta dopa lamaiyamo pii doko kinyi leya.

Orome 1:2

Anatumi waili pii keyange dake nyerami lao lalu lao lapala banya poropeta akali dupwa lamaipala, buku Baepole poo pyasi dokona pyao retena leya.

Ipuru 3:7

Imambu Poo Pyasimi lao dokopa, Epapu Anatunya pii serami ramo dokopa

2 Pita 1:21

Doko isa wambumi sipurapala lao kareyaminde daa. Imambu Poo Pyasimi wambu maralyiyamopa Anatunya pii doko nolakayamisa piya.

2 Pita 3:2

Yuu wamba dokopa Anatunya poropeta akali dupwame pii leyami dokope Lete Wai Pyao Nyingi Kamongona lowa doko aposele akali keta siyami dolaponape poraiyuo suu pyalapape lao pepa jilyu.

Orepalaisane 19:10

Leyamopa namba banya kimbu siyamo dokona pao palipala baa lakandalana piyunu dokopa, Dopa pii napipi kae leya. Namba embape dee embena yangonge dupwapeme Yesunya lao karaminyi kendemande dopaleko karoŋo. Emba Anatu iki lakandape leya. Yesumi pii renge kinyi rolae lenge doko poropeta dupwame lenge apo dokonako lao epeya.