Luku 1:51 - Anatunya Buku Baepole Ole Testamene Pii Lapo dee Nuu Tesamene

⁵¹ Banya kingi porai dokome wambu range wakasa ingyuo karamano lao suu pingi dupwa pyao ralinyi nembeya.

Luku 1:51 ပူးပေါင်းရင်းမြစ်များ

Jenesese 11:8

Anatumi dopapyuo bolombalo lao pena leyamosa nakama yuu taone piyaminyi doko yaki nyuo kaepala yuu muu dupwana ralo peyami.

Jenesese 6:5

Isa wambu peparae ama yulu koo wakasa pyuo karo suu pingi koo rengeme simbwapyamo karaminyi lao Anatumi kandeya.

Jenesese 8:21

Dokopa Kamongo rendamu keyange doko nyepala baa monarename dopa pyuo suu pyao leya. Nambame wambunya koo dokona lao yuu muu dupwa dee kamba kokwa see naro. Nakamba ene andama epenge dokopa monana suu pingi dupwa kooko paleta karenge. Nambame lete palenge bange dupwa peparaekokwa sipunu dopa pyuo dee kamba kokwa see nalu nao naro, leya.

Samu 118:15

Anatunya wambunya komau anda dupwana yanda pyuo rakae sepala wii aupilao kenane pyao karaminyiŋi selapa. Kamongona porainya rengedokome doko pipyasa pilyamo.

Samu 33:10

Kamongome yuu liti andake dupwana yulu piramili dupwa kata rokonge. Pirama lao lao rapa rapa pingi dupwa pao kata roko minyilyasa pyuo pee laa nange.

Samu 63:5

Nambana imambu doko imambunya nenge nao sikya pira dokopa nambame emba kenane pyao lakandaro.

Samu 89:10

Koo renge mena poraingi Oreapa lenge doko emba yuu mendaki kalyuo pyao kumasii. Embena porainya renge dokona embena yandapimwai dupwa nyuo anamasi minyii.

Samu 89:13

Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.

Ekesetase 18:11

Isipi wambu dupwame Isaraele wambu dupwa kando kilya kando epe kanda nayami dokopa Kamongome nyisiyamosa baame mee bange wasisi anatuŋu lao dupwa nyuo isa palyuo kamame andake wakasa karenge doko epapu soo otelyo, leya.

Aisaya 40:10

Kamongo Mupwa Andake Wakasa dokome porainya renge palyuo banya wambu dupwa iso karala epelyamo. Epo dokopa banya wambu kiiramo nyiyamo dupwa role pyapeta lanyuo epelyamo.

Aisaya 52:10

Kamongome banya porai renge poo pyasi dokome banya wambu lete wai pyao nyeramopa yuu muu peparaeme kandarami ingilyamo.

Aisaya 63:12

Kamongo banya porai renge dokome nyepala Mosese keta yulu andake piya. Wambu dupwame baa rangena kingi minyalyuo karalu kararami lao baame ipwa kota doko pyao karalyapala sukusa dokona lanyuo peyamo Kamongo doko anja karase?

Daniele 4:37

Dokona epapu namba Nepukatenesame, Yake Pandana Kiŋi doko kingi ketae pyambuo rape rape lao lakandelyo. Renge doko yulu peparae baa keyangeko pingi. Baa yuu peparae rolaeko pyuo karo wambu mendali kamame ulipili mupwa lao suu pingi dupwa nyuo kui lao kuki ingyuo inyimungu karena lao pingi, leya.

Orome 1:21

Nakama Anatu kando sepalape baa angi lakando lapengele doko kaepala sangyu lao kara nalyaminyi. Dopa piraminyiŋi doko suu pyao nakambana suu pingi dupwa kopyali ingyalu ingyuo ingyapyamopa nakamba suu pingi doko kwaeyo eŋa paa napyamopa petaminyi.

2 Korina 10:5

Wambu lapo Anatunya pii selana suu pyaminyipape suu pingi wakale dupwame nakamana kata doko rokolyaminyi. Doko pyao kokwa silyamano. Namwa suu pingi peparae nyuo malu palyapala Koraisa keta ralinyi pyambulyamano.

Dutaronome 4:34

Nakama yuu Isipi dokona kareyaminyi dokopa Anatumi nakama baa rangena wambu ingyarami lao nyuo minyuo epeya. Doko suu pyao anatu wakale mendeme wambu rara mendena wambu dupwa neta nyepala baa rangena ingyuo karena leyase? Anatumi nakamana lenge kambu dorena banya porainya renge andake dokome anga ikyanepe yanda pingi yulupi sipuro epena lao minyuo piya. Dopa pyuo yulu wambumi pii nangepe dee wambu pakanyi pyambuo yulupi dupwa piya.

1 Pita 5:5

Nakama wane akali dupwame akali andapae dupwana arapunya karapala range mee kuki ingyuo karo lao suu pyapala wakale dupwana kendemande ingyuo karalapape. Baepolena lao dokopa, Anatumi inyimungu karenge dupwa nyuo ketae pyambwapala dee rangeme mupwa lao suu pingi dupwa nyuo isa palyingi letamo.

Orepalaisane 18:8

Dopa pyuo laramosa koo wakale wakale dupwa enda baa keta yuu gii mendaki dokonako mee komondo kata palyuo epara. Epara dokome yuu andake doko anga ikyane kiso maiyuo lopo andake soo mona rando papala rao muku sera. Doko Kamongo Anatu Porai dokome baa kote laramosa pira leya.