Luku 1:35 - Anatunya Buku Baepole Ole Testamene Pii Lapo dee Nuu Tesamene

³⁵ Leyamo dokopa aŋala dokome baa lamaiyuo dopa leya. Imambu Poo Pyasi emba keta maralyara. Ama ketae karamo dokona renge porai doko emba sembara. Dopa piramo dokona wane manjiri doko Poo Pyasi Anatunya Ikinyingi larami, leya.

Luku 1:35 ပူးပေါင်းရင်းမြစ်များ

Jopo 14:4

Akali mendaki mendemepe renge karo petenge dupwana renge poo pyasi mende alowa pyuo pirami ingya nalu nao nalyamo.

Samu 2:7

Kiŋi dokome lao, Kamongo dokome lapyamo pii dupwa nambame polo larole. Baame namba langyuo, Emba nambana ikinyingiŋi. Epapu dakepa namba embena rakange ingyuo karoŋo.

Samu 51:5

Namba endangimi manjipa nayamo dokopa koo doko namba keta paleya. Manjo neta nyepeyamo dokopa koo doko namba keta palamoko.

Matyu 1:18

Yesu Koraisa mandeyami doko dopa pyuo mandeyami. Josepeme Maria ene nyelana mokoriya pyao kareyamo dokopa Imambu Poo Pyasimi renge kuiyamosa wane rombanda palyamo lao Mariame soo peteya.

Matyu 1:20

Dopa piru lao suu pyao kareyamo dokopa Kamongona aŋala mende kombeyame epapala baa lamaiyuo, Josepe Dapitinya para pyasi embena enda Maria wane petamo doko Imambu Poo Pyasimi renge kuiyapya dokona nyerono lao paka napipi.

Matyu 14:33

Dokopa wambu bote dokona peteyami dupwame banya lenge kambu dokona pangu sepala, Kinyi emba Anatunya Ikinyingilyamo leyami.

Matyu 27:54

Yanda singi yango rapu pyuo karenge dokomoo akali baa pale pale kareyami dupwa pipya Yesu iso kando kareyami dupwame yuusili minyuo dopa pyuo piyamo kandapala pakame kumuyami. Pakame kumapala, Kinyi dake Anatunya ikinyinginde karapyalyamo, leyami.

Matyu 4:3

Dokopa Makande Pingi dokome epapala baa lamaiyuo, Emba Anatunya Ikinyingi ramo doko kana dapwa borete inginya lare, leya.

Make 1:1

Yesu Koraisa Anatunya Ikinyingi dokona lao waili pii keyange dakena pyasi palamo.

Make 1:24

Pisipala baa pii porakaiyuo kaeyo dopa pyuo leya. Yesu Nasarete range doko embame namwa apa pinya lao pilinyi? Embame namwa kokwa sela ipisi? Emba apipi lao namba silyu. Emba Anatunya akali yapasi, leya.

Luku 1:27

Akali mende banya kingi Josepe lenge baa Dapitinya para pyasinya mende karo baame enda mapwae mende kingi Maria lenge mokoriya piya. Enda doko peteyamo dokona Geperiele pena leya Anatumi.

Luku 1:34

Lao oteyamo dokopa Mariame aŋala lamaiyuo, Namba akali nyii nange doko apa pyuo emba lapinyili pyuo pira? leya.

Luku 1:36

Lapala, Embena ree palu enda Ilisapeta lenge doko endemosa wane ingiyamopa kana mange pyakambwaro paleyamopa peteya lyakande. Wamba baa wane manji nao pote petamo leyami dokoko epapu wane paleta petamo.

Jone 1:34

Dokonako ingyuo baa Anatunya Ikinyingi doko kandapala rolo leto, leya Joneme.

Jone 1:49

Natanieleme baa lamaiyuo, Rapu Pingi emba Anatunya Ikinyingilyamo emba Isaraele wambu dupwana Kiŋilyamo leya.

Jone 20:31

Pali napyamopape yulu lapona pyasi palamo dupwame nakama Yesu baa Koraisa Anatunya Ikinyingi lao suu pyaraminyipa banya kingi yaki nyii nalyaminyi dokona lao nakama keta kyakana renge palipyali lapala pepa pyao retelyo.

APOSELENA YULU 8:36

Dokopa kata pao karo ipwa pete mende siyamo kandeyambi. Dokopa etembo dokome, Kanda, ipwa sipyalyamo. Aki mende ingya narasa namba bapitisimo kapa nyii narose? leya.

Orome 1:4

Anatu porayapala Yesu lete minyalyuo nyiyamo dokome Yesu baa Anatunya Ikinyingi isa komba pyao poo pyasi karenge doko paneyamo silyamano.

Epesasa 2:3

Namwa opetae dopako pyuo karo yanengena pyuwaneme kumuo karapala namwana suu pingipi yongo dokomepe koo dokona pyao ralinyi pyambuyamopa dolapona rape rape lao pyuo kareyama. Namwape doloma peparaepe mendakinya peyara Anatumi lara ingiya.

Ipuru 4:15

Namwana purisi mupwa dokome namwa monarena randa nyilyamano dokopa konda nao mona kana ingyapyamo karande daa. Baa koo dupwame namwa pilyamuli pyuo makande piyamo nakanjo siyamopape baa ketako koo angi pali nange.