Luku 1:30 - Anatunya Buku Baepole Ole Testamene Pii Lapo dee Nuu Tesamene

³⁰ Dokopa aŋala dokome baa dopa lamaiya. Maria, emba paka kae. Anatumi emba rae maiyuo karamo.

Luku 1:30 ပူးပေါင်းရင်းမြစ်များ

Jenesese 6:8

Dopa pyuo lapalape Kamongome Noa yeelyo kando rae maiyuo kareya.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 44:2

Namba Kamongo dokome nakama wasiyu. Nakama ene nyaŋa manjo nyiyami dokona piso nambame nyiso epeyo. Nakama paka nalapape. Nakama nambana kendemande wambu. Namba rangena rombo palyiyu dokona nambame mona retelyo.

Matyu 14:27

Dokopa Yesumi nakama aopa lamaiyuo, Nakama monarena poraiyuo rali pipala paka nalapape. Dake namba ipunu pilyamo. Mona nemba nalapape, leya.

Matyu 28:5

Dokopa aŋala dokome enda dolapo lamaiyuo, Paka nalapape. Yesu isa mamandona pyao palyiyami doko kandala epelyambinyi doko namba silyu.

Luku 1:13

Piyamopape aŋala dokome baa dopa lamaiya. Sakaraya, emba paka kae. Emba ateŋa lao karene doko Anatumi soo karamo. Embena etene Ilisapeta baame wane mende manjakara. Banya kingi Jone lare.

Luku 12:32

Nakama nambana mena mondo ingyuo karaminyi dokona paka nalapape. Rakane dokome banya isingi yulu doko rae maiyuo jera.

APOSELENA YULU 27:24

Epapala dopa langipya. Pole paka napipi. Emba Sisana lenge kambu dokona karare ingilyamo. Dokona ingyuo sipu dokona role pyao petaminyi dupwa peparae emba reke lao Anatumi lete nyera ingilyamo langipya.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

Ipuru 13:6

Dokona lao mona porayapala, Kamongo doko nambana nyisingi karamo. Wambumi mende piraminyi lao pako kararo doko kapa daa, lamanale.