Lipitikase 23:3 - Anatunya Buku Baepole Ole Testamene Pii Lapo dee Nuu Tesamene

³ Yuu pakinyamange dusipa nakamana ingyuo silyamoŋo dusipana yulu pirami. Yanda ipingi dokopa imambu soo pisirama lao suu pyalapape. Yuu gii dokona yulu pii napala elyambu pyuo misi lao pisirami. Yuu anja lapona karare dokona pii mende daa. Koro petenge yuu gii doko namba Kamongona ingyuo silyamo.

Lipitikase 23:3 ပူးပေါင်းရင်းမြစ်များ

Ekesetase 16:23

Lamaiyaminyi dokopa baame nakama dopa lamaiya. Dake Kamongo dokome dopa lao mawa pii reteya. Reteyamo dokona rakya yuu gii mupwa dokopa imambu soo Kamongona kingi iki lakandenge. Nenge mee isarena kisaramili dupwa kiso dee sanepena kisaramili dupwa kiso pipwape. Piraminyipa neta kakana pao siya kande dupwa wakale retapala rakya narami.

Ekesetase 16:29

Namba Kamongo dokome yuu gii imambu serami doko jipu kandapi doko silyaminyi. Dokona lao yuu gii pakinyamange dokopa nenge kapa yuu gii lamasa napenge jero. Yuu gii yanda ipingi nyepo dokopa wambu peparae mendali banya anda yuupi yaki nyuo paa narami ingilyamo, leya.

Ekesetase 16:30

Dokona lao wambu dupwa yuu gii yanda ipingi nyepo dokopa yulu pii nayami.

Ekesetase 34:21

Dokona nakamame yulu pirami lao yuu gii pakinyamange silyamo. Sipyamopa yuu gii yanda ipingi dokona yulu pii nalapape. Dee yuu ape ape pingi dokopape witi jingi lyingi dokopape yuu gii yanda ipingi dokona kamame pii narami.

Aisaya 58:13

Kamongo dokome lao, Nambana koro petenge yuu gii doko poo pyasiŋi lao suu pyapala rangena rae maiyaraminyili pyuo yuu gii dokona pii nalapape. Nambana yuu gii doko rape rape lao karo kata papyuope yulu pyuope pii kopetame laope kara narami ramo

Lipitikase 19:3

Nakama mendaki mendaki lao suu pingi dokona embena endangi rakangepa dolapo angingyuo karambinyi lao rape rape lao suu pyaro karalapape. Karapala nambame leyonoli pyuo koro petenge gii doko minyaro karalapape. Namba Kamongo doko nakamana Anatuŋu karo.

Luku 13:14

Dokopa sinakoke rapu pingi akali dokome Yesumi yuu koro petenge gii dokopa pyuo nyiya dokona imbwuapala wambu peteyami dupwa lamaiyuo, Yuu mange pyakambwaro akali yulu kapa pingi. Dusipana mendepa mee inginya lao ipupwape. Yuu koro petenge dokopa mee inginya lao epa nalapape leya.

Luku 23:56

kapu kyuo papala luli lenge bangepe rendamu pingi mambape rapa rapa piyami. Koro petenge gii dokopa Mawa Pii palengenyili pyuo koro peteyami.

APOSELENA YULU 15:21

Doko Mosesena Lowa dupwa yuu wamba paleyamopa misi lenge gii dokopa sinakoke anda dupwana yaka lao kareyaminyipa taone dupwana peparae lapome mana lamaiyuo karamiko leya Jemesame.

Orepalaisane 1:10

Namba dokona karo Kamongona yuu gii sande andake dokopa Imambu dokome namba keta maralyiya. Maralyiyamo dokopa mata siyamo dorena pii andake bikuli pii lele lao leyamo siyu dokona