Lipitikase 19:3 - Anatunya Buku Baepole Ole Testamene Pii Lapo dee Nuu Tesamene

³ Nakama mendaki mendaki lao suu pingi dokona embena endangi rakangepa dolapo angingyuo karambinyi lao rape rape lao suu pyaro karalapape. Karapala nambame leyonoli pyuo koro petenge gii doko minyaro karalapape. Namba Kamongo doko nakamana Anatuŋu karo.

Lipitikase 19:3 ပူးပေါင်းရင်းမြစ်များ

Jenesese 48:12

Josepeme wane dolapo Isaraelena kimbu yukuna siyamo dokona kareyambi doko nyuo kakondapala Jekopena lenge kambu siyamo yuu dokona baa pangu siya.

Niyamaya 9:14

Juu wambunya koro petenge yuu gii poo pyasi dokona waso karena lao mana lamaiyuo dee embena kendemande Mosese keta embena mawa pii dupwa maiyuo pii.

Ekesetase 16:29

Namba Kamongo dokome yuu gii imambu serami doko jipu kandapi doko silyaminyi. Dokona lao yuu gii pakinyamange dokopa nenge kapa yuu gii lamasa napenge jero. Yuu gii yanda ipingi nyepo dokopa wambu peparae mendali banya anda yuupi yaki nyuo paa narami ingilyamo, leya.

Ekesetase 20:12

Endangi rakangepa kando rape rape lao karalapape. Nambame nakama yuu jilyu dokona yuu gii londesa palyuo kararama lao dopa pirami.

Ekesetase 20:8

Koro petenge yuu gii dokona lao poraiyuo suu pyao minyaro karo yapasi ingyuo Kamongo keta pyambwarami.

Poropepe 1:8

Rakane, embame rakane endakinyipame larambinyili pyuo soo pyuo karape.

Poropepe 23:22

Dokona rakane kara nayali doko emba andengena dopale piso karo pii napiliŋi. Rakanena pii minyuo endakinyi emaramo dokopa yaso nao mandeyaŋa dokona lao suu pyao karape.

Aisaya 58:13

Kamongo dokome lao, Nambana koro petenge yuu gii doko poo pyasiŋi lao suu pyapala rangena rae maiyaraminyili pyuo yuu gii dokona pii nalapape. Nambana yuu gii doko rape rape lao karo kata papyuope yulu pyuope pii kopetame laope kara narami ramo

Lipitikase 19:25

Dopa piraminyipape ee kana kingi paki dokopa kanda soo isa jingi lyuo narami. Nakama dopale pirami ramo dokopa isa jingi lyuo kakana pira. Namba nakamana Kamongo Anatuŋu karo.

Lipitikase 19:30

Koro petenge yuu gii doko yaki nyii napala misi lao namba lakandenge panda doko kyawa nyuo minyuo karalapape. Namba Kamongoŋo karo.

Lipitikase 19:31

Nakamame wambu lapome wambu kumasinya imambu pipya ropaka piso singi dupwa keta papala ropaka piso sisaramiŋi doko daa leto. Dopale dupwana pao kale yuku soo pisirami ramo doko nambapa kopeta kapeta kwaeyo sera ingilyamo. Namba nakamana Kamongo Anatuŋu karo.

Lipitikase 19:34

Nakamana rara pipya yulu pyuo nenge rambo lao pilyaminyi doko suu pyaowako doloma pipya pipwape. Nakama range doko mona reto karaminyi suu pingi mendaki dokonako palyuo doloma mona retalapape. Nakama yuu wakale Isipi wambunya yuu dokona karala papingi ingyuo kareyami kande doko apiyakalende ingyuo kareyamape lao dokona suu pyalapape. Namba nakamana Kamongo Anatu dokome leto.

Lipitikase 23:3

Yuu pakinyamange dusipa nakamana ingyuo silyamoŋo dusipana yulu pirami. Yanda ipingi dokopa imambu soo pisirama lao suu pyalapape. Yuu gii dokona yulu pii napala elyambu pyuo misi lao pisirami. Yuu anja lapona karare dokona pii mende daa. Koro petenge yuu gii doko namba Kamongona ingyuo silyamo.

Malakae 1:6

Kamongo Porai Wakasa dokome purisi dupwa lamaiyuo lao, Ikinyingimi rakange rape rape lenge kandape. Dee kendemande akali dokome banya yulu pyakamingi akali doko kando rape rape lenge kandapi. Namba nakamana rakane doŋo akipamo nakamame namba kando rape rape laa nalyamisi? Namba nakamana mupwa doŋo akipamo nakamame namba paka nalyamisi? Nakamame namba kilya kando kandelyaminyi. Kandapala piso soo lao, Apa pyuo namwame emba kilya kandelyamase? letaminyi.

Ipuru 12:9

Namwana mee rakange dupwame pyalana pyuo mana lenge dokopa nakama rakangeŋe lao soo kando karenge kandale. Dokona ingyuo Imambunya Rakane banya laramo dupwa kamame andarele sepenge ingilyamo. Dokome lete renge nyerama.