Lipitikase 19:18 - Anatunya Buku Baepole Ole Testamene Pii Lapo dee Nuu Tesamene

¹⁸ Embame koo dokona isingi yano nyelana suu pyaa nao dee koo embapa piramo wambu dokopa imbu paleta kara nao pipi. Emba rangena yongo mona nyuo karene doko suu pyao parali maki palenge wambu dupwa mona reto karape. Namba Kamongo doko karo.

Lipitikase 19:18 ပူးပေါင်းရင်းမြစ်များ

Jenesese 4:23

Yuu mendepa Lameke epo banya etenge Aita Silapa lamaiyuo, Nakamba nambana pii selapape. Akali parangendeme namba pyao lalyipyasa baa isingi pyao kumakapu.

Samu 103:9

Baame lao nembo pyalana pyuo karalu karo pii nange. Baa imbu singi nyuo karalu kara nange.

Ekesetase 20:16

Nakamame wambu yango mende kando koo pipya lamo lao panga soo kyambo lakami nalapape.

Lipitikase 19:34

Nakamana rara pipya yulu pyuo nenge rambo lao pilyaminyi doko suu pyaowako doloma pipya pipwape. Nakama range doko mona reto karaminyi suu pingi mendaki dokonako palyuo doloma mona retalapape. Nakama yuu wakale Isipi wambunya yuu dokona karala papingi ingyuo kareyami kande doko apiyakalende ingyuo kareyamape lao dokona suu pyalapape. Namba nakamana Kamongo Anatu dokome leto.

Matyu 19:16

Baa peyamo dokona akali mendeme epapala baa dopa lamaiya. Mana Lenge aki yulu keyange mende pyuo kararonosa kyakana renge kulisa palu palenge doko nyero lyasilisi? leya.

Matyu 19:19

Endangi rakangepa rape rape lao karalapape. Dee mende doko range mona reto karaminyi doko suu pyao wambu maki palenge dupwa kando dopako pyuo mona reto karalapape, mawa pii dusipana leto, leya.

Jone 13:34

Mawa pii enenge mende jilyu. Nakama yango mendali mona reto karalapape. Nambame nakama mona reto karenge dopako pyuo nakama yango mendali mona reto karalapape.

APOSELENA YULU 16:28

Dopa lao kareyamopa Poleme pii porakaiyuo lapala dopa leya. Emba range pyaa kaeyape. Namwa peparae dae petamano leya.

Orome 12:17

Mendeme emba kando koo pira ramo dokopa isingi koomeko pyuo yano nyii napipi. Wambumi yulu mende keyange lao suu pyarami dokona kapa piri.

Orome 12:19

O yangonemoo nakama kando koo piyami kande dokopa isingi pii nalapape. Nakamame pirami doko suu pyao Anatunya imbu singi nakama keta palenale. Pii poo pyasi dokona lao dokopa, Nambame isingi pyakaro, nambame bakeme pyuo isingi pyakaro lao Kamongome letamo lao pyasi palamo.

Orome 13:4

Gapomane doko Anatunya kendemande ingyuo nakama kapa serami dokona yulu pyakalyamo. Yulu koo piri ramo dokopa gapomane kinyi pakare. Dokopa baame male lao nakama randa jerande daa. Angingyuo randa jera porai doko baa keta silyamo. Baa Anatunya kendemande ingyuo dokome yulu koo pingi dupwa keta Anatunya imbu singi doko gapomane keta nakama randa mainya epenge.

Orome 13:9

Pii lowana pyasi palamo dokona lao dokopa, Kepo pii nalapape. Pyao kumasa nalapape. Waa nyii nalapape. Nyipuli nyipuli suu pyaa nalapape, dopa lao palamo. Dusipape menge lapo opetaepe pyasi palamo. Dupwa peparae lowa pii mendakimi simu pyao minyaro karamo. Doko dopa letamo. Wambu yango dupwa emba range mona nyilini doko suu pyaoko mona reto karape, letamo.

Galasia 5:14

Dokona lao Lowa doloma peparaena mendakimi pinginya ingyuo minyaro karamo. Doko emba range mona reto karene doko suu pyao wambu yango mona reto karape letamo.

Galasia 5:20

Pipu lao dee mee bange dupwa kando kingi lengepe wambu yanda pimwai inginyi pyambuo yango pyalana pyuo yango palyuo karaminyi. Mendena wakale dupwa kanda lyanolyano pyakamyuo karenge. Rara lili pilya pyana pyuo karo pilyaminyi.

Epesasa 4:31

Nakama ingi koo palyuo, imbu singi manjo, imbumi kumuo, pii porakai lao, mendali koo koo lengepe yulu dupwa rekya lao nembalapape.

Dutaronome 32:25

Yanda andake sipurarasa wambu dupwa kata barete dupwana pyasi serami. Anda dupwana yamarangusi sepala kumarami. Dopa piramo dokopa mapwae parangepe dupwa kumarami. Wane nyaŋa dee alemope peparae popo paa nao kumarami.

Dutaronome 32:35

Kamongome koo pirami dupwana bakeme pyuo isingi pyakamira Yuu gii nakama randa narami doko repeta ipyamo pilyamo. Dokopa isa paomene.

Kolosi 3:8

Imbwuangepe ingi pungipi nengepe kanda sikya sikyu lengepe ingi koo manjo laiya lengepe mokwalipi lengepe dupwa nembo kaeyalapape.

Ipuru 10:30

Koo pirami dokona namba range isingi pyakaro. Nambame bakeme pyuo isingi pyakaro leya doko apimi leya namwa silyamano. Dee pii mende, Kamongome banya wambu peparae kando kote pii laro leya.

Jemesa 2:8

Anatunya lowa mupwa buku Baepole pyasi palamo dokona, Nakama range kando mona retenge doko makande minyuo wambu yango dupwa mona reto karalapape letamo. Dokona palyuo pirami ramo doko rolae ingyara.

1 Pita 2:1

Yulu koo kyambo lengepe pii lamana palyuo lengepe yango palyuo lengepe kilya kando lengepe dupwa rekya lao yaki nyelapape.

1 Jone 4:21

Lowa Yesu namwa langiyamo dokona dopa letamo. Mendeme Anatu mona reto karara ramo doko banya yangonge opetae mona retoko karapenge ingilyamo.