Lipitikase 19:14 - Anatunya Buku Baepole Ole Testamene Pii Lapo dee Nuu Tesamene

¹⁴ Wambu lenge koo dupwa lukumao simili lao bange lapo pao wambo reto kalepoe dupwa kando pii langa lao pii nalapape. Namba Kamongo doko nakamana Anatuŋu karo dokome nakama namba mupwa lao suu pyao pako karalapape.

Lipitikase 19:14 ပူးပေါင်းရင်းမြစ်များ

Jenesese 42:18

Dee yuu gii rema epapeyamo dokopa Josepeme lao, Namba Anatu mupwa lao suu pyao kingi lao karengeŋe. Nakamba laronuli pyuo pirami ramo dokome range lete wai pyao nyerami, leya.

Lipitikase 19:15

Nakamame kote mende siyami kande dokopa kinyi lao rolae pyuo lakamipape. Nakamame wambu koo dupwa nyisaramisa kote pii doko mee wini lasarami doko kaeyalapape. Dopako pyuo wambu lapo kingi lengepe dee namba petengepe mupwa ingyuowale kandale lao pako mona manjipala mee nyisaramisa kote doko mee wini lasarami doko ama daa.

Lipitikase 19:32

Nakamame endemo alemope dupwa angingyuo karaminyiŋi lao suu pyao rape rape lao karalapape. Namba Kamongo doko mupwaŋa lao suu pyapala pako karalapape.

Orome 12:14

Emba randa jerami dupwa Anatumi nyisinya lao ateŋa lakamyuo karare. Doko kinyi, nakama kokwa soo pumili lao ateŋa laa napala Anatunya keyange renge nakama keta palipyali lao lakamyuo karare.

Orome 14:13

Dokona lao nakama yango sukusa mendali koo pingi pingi lao laa namanale. Embena yangone lukuma nana lao pirinyipa koona arapu dokona paa nana.

1 Korina 10:32

Dopa pyuo karo Juu wambu dupwa Juu daa rara wakale dupwa dee Anatunya Elyambu Pingi wambu dupwa pipape randa mai nao pyuo karalapape.

1 Pita 1:17

Nakama ateŋa lao dokopa Anatu kando namwana Rakane lao lenge ramo doko baame rolae pyuo wambu yulu pinginyili pyuo pakana palyuo kote lenge dokona isa panda dakena kararaminyi mange dusipa peparaenape yuu gii peparaepe baapa lao pako karalapape.

1 Pita 2:17

Wambu peparae lakanda minya minya pyuo karalapape. Anatu kando pako Kurisene yango dupwa mona maiyuo karalapape. Gapomane akali mupwa doko ketae pyambuo karalapape.

Orepalaisane 2:14

Dopa pyuo karaminyipape pii kuki nakama keta palamo. Doko nakama lapome akali Belame lenge dokona pii minyaro karaminyi. Belame baame akali mende Beleke lenge doko kando semango loma soo mena kuiyuo maingi minju narami dokope pamuku yulu dokope Isaraele wambu dupwa lasaka pinya lao mana lamaiya akali dokosa leto.