Lipitikase 16:17 - Anatunya Buku Baepole Ole Testamene Pii Lapo dee Nuu Tesamene

¹⁷ Erone baame banya koope dee banya ree palunya koope Isaraele wambu peparaena koope dupwa nyuo kame sakaminya lao yulu piramo mange dokopa komau anda andakare dokona wambu mendepe pisa nara.

Lipitikase 16:17 ပူးပေါင်းရင်းမြစ်များ

Ekesetase 34:3

Wambu mende role pyao epa nara. Dee yuu kyau dupwana mendasape wambu mende kara narami. Mena sipisipipi panda mena bulamakaope dupwame yuu kyau wangu kipwa kipwa isako nao pii nana, leya.

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Daniele 9:24

Ee kana andete kisima ipisu akalisa mange mendaki (490) epo paparamopa Anatumi embena wambupi embena yuu taone poo pyasipi koo keta moko nyero lao rombo palyiya. Yuu gii dokopa koo dupwa kame sakaramo dokopa wambu dupwa rolae pyuo karalu kararami. Dopa piramo dokopa pii repa repa piinyi dokope dee rengya mende pira lao poropeta pii leyamo dokope angi kinyi ingyuo para. Paramo dokopa tembole anda doko dee yapasi ingyuo karara.

Lipitikase 16:16

Yulu dopa piramo dokopa Panda Kamame Poo Pyasi doko pyuo elya pinyi retara. Isaraele wambu nakama keyange ingya nao Anatupa kamba koo lao kareyaminyisa banya Panda Kamame Poo Pyasi doko kokwa siyamisa piyamo dokona Eroneme baa dopako pira. Yuu paleyaminyi doko poo pyasi ingya napyamo sukusa dokona Anatunya komau anda karapyamosa Erone baame dopako pira.

Lipitikase 16:18

Dokopa baame Anatunya lao kana pyare lasi dokona kiso mukinyi nembo maingi doko elyape inginyi pyambuo para. Dopa pyuo dokopa mena bulamakao kalinya ranjamape dee memena ranjama lapo nyepala kana pyare pinjingi kisima siyamo dusipana raeyo reto pira.

Luku 1:10

Dokopa rendamu pingi bange kisingi gii dokopa wambu malu mee kareyami dupwa peparae kamanda ateŋa lao kareyami.

APOSELENA YULU 4:12

Banya kingi dokomeoko iki isa wambumi lete wai pyao parami. Kingi wakale wakale dupwa laminyipape namwa Yesunya kingi dokome iki letena renge kando nyerama leyambi.

1 Timoti 2:5

Anatu baa mendaki iki karo, dee kanya akali mendaki doko Anatu akalipa nyuo pakao pingi doko Koraisa Yesuko karo pingi.

Ipuru 1:3

Ikinyingi doko Anatu peparae isa komba pyapala Rakangena yanga paupau lenge doko neta ranyi peenge. Banya pii porainya renge paleta dokome yuu muu dupwa peparae renge kuiyuo minyaro karenge. Baa isa wambunya koo dupwana pyuo elya pyuo nyepala yake pandana mupwa Anatu dokona kingi rolaerename pao peteya.

Ipuru 9:7

Tembole anda urumu lapo pyuo dokona purisi mupwame iki papala ee kana mendena larapu karapa pingi. Banya koo dupwanape dee wambu kamenge koo piyami dupwanape lao ranjama minyuo kisala kolando papa piya.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.