Lipitikase 16:10 - Anatunya Buku Baepole Ole Testamene Pii Lapo dee Nuu Tesamene

¹⁰ Mena meme Asasele lengendenaŋa lao rombo palyaramo doko lenge rape rape Kamongo maipala yuu muiyane dokona Asasele keta mainyi nembara. Dopa piramo dokome wambunya koo dupwa nyuo nembakamira.

Lipitikase 16:10 ပူးပေါင်းရင်းမြစ်များ

Lipitikase 16:8

Baame kana lama nyepala mende Kamongonaŋa lao mende Asasele lengendenaŋa lao reto pipala kana dolapo kanda nao karo mende ipyuo nyera.

Lipitikase 16:9

Ipyuo nyeramo dokopa mena meme Kamongonaŋa lao rombo palyaramo doko Eroneme wambunya koo dupwana lao pyao kisakamira.

Orome 3:25

Anatumi Yesu namwana koo dupwana lao kumala pena leyamo dokome wambu Yesu kapa ingingi lao suu pyarami dokona nakama koo dupwa nyuo kame sakamira ingilyamo. Anatumi dopa pyuo Yesu kumala penale leyamo dokome namwa baapa rolo parama kata doko panasi sipyamopa kandelyamano. Anatu ipyapala wambo dokopa wambunya koo dupwa mee kame sakaya.

Orome 4:25

Namwana koo dupwana lao kumuo palyuo lopo lete epapala Anatupa namwa nyuo roleya.

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

1 Jone 2:2

Yesu kumuyamo dokome namwana koo dupwa nyuo yambe pyasi siya. Namwana koo dupwako iki daa. Wambu yuu mure lao peparae dupwana kumuyasa piya.

1 Jone 3:16

Yesu baa namwana lao kumuo jiyamo dokome mona retenge kata angi doko lao soo manji nyisi karamano. Dokona lao namwame yangonge dupwana lao kumuo maiyuo karapenge ingilyamo.