Kolosi 4:18 - Anatunya Buku Baepole Ole Testamene Pii Lapo dee Nuu Tesamene

¹⁸ Nambana kingi dake Pole lao pyanjilyimi pyanyi palyilyu. Namba puu maiyamisa kiimbasi peto kande. Anatumi mona keyange palyuo ipingi renge nakama keta palena lao yako leto.

Kolosi 4:18 ပူးပေါင်းရင်းမြစ်များ

Orome 16:20

Anatumi mona kyuu lao singi renge jingi dokome Satane nyepala nakamana kimbu yukuna dokona kalyuo anamasi minyakara. Namwana Kamongo Yesunya mona keyange palyuo ipingi doko nakama keta palena.

Orome 16:22

Namba Tetiasa lenge dokome Polena kambunya pii ipyamo doko nyepala pepa pase dake pyakamilyu. Namba dokome Kamongona kingi dokona lao nakama yako leto.

Orome 16:23

Akali Gayasa namba nenge joo rapu pyuo dee banya anda dokona wambu misi lala penge dokome opetae nakama yako letamo. Irasatasa yuu anda malu karenge dakena gapomanena kusi kusi dokopa namwana yangonge Kuatasapame opetaeko yako letambinyi.

1 Korina 16:21

Namba rangena kingimi pepa dake pilyu. Namba Poleme yako leto.

Pilipai 1:7

Nambame yuu peparae nakamana lao suu pyale pyuo karo. Dokona lao rolae ingyuo nakama kondalyo. Waili pii keyange dokona lao kote leyaminyipape nambame pii keyange doko raeyo penale lao roleyo gii dokonape dee dakepa puu jiminyi karowape nakamame namba yaki nyii napala Anatumi yulu jiya dokona namba role pyao piyamioko.

Kolosi 4:3

Koraisana yalu pisi singi dupwa kapa boo pyao larami lao Anatumi kata wapwakanale lao ateŋa lakarami. Namba pii dokoko lao kareyonosa karapusi palyuo karo.

2 Tesalonaika 3:17

Nambana rangena kingimi yako lao lenge pii dake namba rangena kingi pilyu. Pepa pase yuu wakale peparaena pyao maingi dokopa nambame dopa pyuo pingi. Namba Pole yako leto.

1 Timoti 6:21

Wambu lapome namwa soo gisingiŋi lao karaminyi dupwa nakamame Anatu kapa ingingi lao suu pingi doko papu pyuo lamisa pilyamo. Anatunya mona keyange palyuo ipingi renge doko nakama peparae keta palena leto.

2 Timoti 1:8

Namwana Kamongo dokona pii polo lalana elya nao dee namba banya ingyuo karapusi palo dokona lapala elya nyii napipiyoko. Dopa pyuo Anatu emba porainyi pyambwaramopa waili pii keyange dokona lao randa emba keta eparamo epena rao laoko karape.

2 Timoti 4:22

Kamongome nakama pipya role pyao kararamopa Anatunya mona keyange palyuo ipingi doko nakama keta palena.

Taitesa 3:15

Wambu dae yalya kando pisimwa dupwa peparaeme nakama kando yako letaminyiko. Yako lenge pii doko namwana Kurisene yango dupwa lamaiyakape. Anatunya mona keyange palyuo ipingi doko nakama peparae keta palena.

Ipuru 13:25

Anatunya mona keyange palyuo ipingi renge doko nakama keta palena leto.

Ipuru 13:3

Lapo karapusi palaminyi dupwana nakama dokona mendako ingyuo karo, dee randa ipyamo yaso nelyaminyi dupwana mendako karo lao suu pyao pisipwape.