Juti 1:25 - Anatunya Buku Baepole Ole Testamene Pii Lapo dee Nuu Tesamene

²⁵ Namwana Anatu mendaki baa lete wai pyao nyingi doko baa kiŋi ingyapala yanga paupau lenge rengepe kai wambowape dakepape dee yuu rakyamepe renge keyange dusipa Kamongo Yesu Koraisa keta sulu sinya, doko kinyi.

Juti 1:25 ပူးပေါင်းရင်းမြစ်များ

Samu 104:24

Kamongo, embame bange malu mee soo kaeyo wasiipya. Apa pyuo mona palyakondali pipala wasiipi? lao suu pyao karo. Isa yuu dake embame wasiinyi dupwameko simbwaro silyamo.

Aisaya 45:21

Nakamana kote pii palamo dupwa minyuo kotena ipupwape. Wambumi nakama nyiso letaminyi dupwa mendeme mende pisalya pisana pyuo lena. Rengya mende piraŋa apimi wambo nolakao leyase? Doko namba Kamongo Anatu banya wambu dupwa nyiso kyawa lete nyingi dokomeko leyo. Anatu wakale mendepe kara nange.

Daniele 4:37

Dokona epapu namba Nepukatenesame, Yake Pandana Kiŋi doko kingi ketae pyambuo rape rape lao lakandelyo. Renge doko yulu peparae baa keyangeko pingi. Baa yuu peparae rolaeko pyuo karo wambu mendali kamame ulipili mupwa lao suu pingi dupwa nyuo kui lao kuki ingyuo inyimungu karena lao pingi, leya.

Matyu 6:13

Namwa makande pira ingilyamo dokona embame namwa lanyuo paa napala koo dokome maralyasara lao kyawa minyuo karape. Pii dopale lao ateŋa lalapape.

Luku 1:47

Nambana Lete Wai Pyao Nyingi Anatu dokona suu pyao rae maiyuo peto.

Jone 4:22

Nakama Samaria wambu dupwame api mende ketae pyambuo yako lao karaminyi doko angi sepala pilyaminde daa. Lete wai pyao nyingi yulu doko namwa Juu wambu dupwa keta epelyamo dokona soo gisapala Anatu ketae pyambuo angingyuo lao karamano.

Jone 5:44

Yango nakamana kingi wambu yangome ketae pyambuo karamili yaka lao suu pyao karaminyipape Anatu mendaki karenge dokome nakamana kingi ketae pyambuo karapyali lao suu pyao kara nalyaminyi. Dokona lao nambana pii dupwa soo nyii narami ingilyamo.

Orome 11:33

Anatu baa yuu muu dupwa peparaena Kamongo. Banya singinya rengepe soo gisingi rengepe ama andake wakasa ingyuo silyamo. Api mendeme baa suu pyao karamo dupwa sepala polo larape? Api mendeme baa dopa pyuonde karenge lao soo nyerase?

Orome 11:36

Anatu baame bange peparae pyuo wasiya. Wasapala bange peparae banya kingi kapena pyuo wasisi dupwa banya ingyuo silyamo. Anatu baa neta renge ingyuo karalu karenale, doko kinyi.

Orome 16:27

Anatu baa iki karenge dokome singinya renge peparae baa keta simu pyao silyamo. Baa dokona lao neta renge yulu doko Yesu Koraisa keta Anatu baa lakando palu palena, doko kinyi.

Epesasa 3:10

Dokona ingyuo Anatunya soo gisinginya renge peparae Elyambu Pingi keta lasaka piramopa yake dorena poraipi mupwa dupwapeme soo nyerami.

Epesasa 3:21

Wambu wambowanape enakana dupwamepe Elyambu Pingi ketape Koraisa Yesu ketape Anatunya kingi doko ketae pyambuo puu parami.

1 Timoti 1:17

Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.

1 Timoti 2:3

Yulu keyange dopale dokome namwana Lete Wai Pyao Nyingi Anatu doko rae mainyi pyambungi.

Taitesa 2:13

Namwa yuu gii elyape keta pisarami lao namwana Anatu kamame wakasa dee Lete Wai Pyao Nyingi Yesu Koraisapa neta renge ingyuo panarambi doko iso karamano.

Taitesa 3:4

Namwana Lete Wai Pyao Nyingi Anatu anjiki pingipi mona retenge rengepe paneyamo doko baame namwa lete wai pyao nyiyasa piya. Doko namwame yulu keyange piyamandena lete wai pyao nyiyande daa. Anatu rangena sakao nyiso karenge renge dokona banya Imambu Poo Pyasinya manjo nyingi enengepe lete karenge enengepe dolapo jiyamo dokome namwa poo pyao lete wai pyao nyiya.

Ipuru 13:8

Yesu Koraisa baa wamba kareya doko suu pyao epapu alowa pipyande daa. Rakyamepe mee dopaleko karalu karara.

1 Pita 4:11

Mendeme misi lara ramo doko baa Anatunya pii doko lena. Mendeme mende nyisara ramo doko Anatumi porai renge maiyamo doko nyepala nyiso pyuo karenale. Yesu Koraisa neta renge ingyuo karalu karenge doko keta yulu peparae pirami ramo Anatunya kingi ketae pyambwaramisa pira.

2 Pita 1:1

Namba Saimone Pita Yesu Koraisana aposele akali dokome banya kendemande yulu pyuo karo. Anatu Lete Wai Pyao Nyingi Yesu Koraisapa rolae pingi dolapome Kurisene suu pingi keyange maiyamo yango dupwa keta pepa dake pyao jilyu.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.