Juti 1:23 - Anatunya Buku Baepole Ole Testamene Pii Lapo dee Nuu Tesamene

²³ Isare panda pasarami dokona wambo paa nana lao wambo lete pyuo nyelapape. Anatu poraiyuo lao suu pyao pakapala menge dupwa kondo sakao anjiki pyuo karalapape. Nakamana kepo pingi yulu pilyaminyi dokome nakamana komau karo piso kwao pelyamo. Yulu doko yanda pimwaiyuo karalapape.

Juti 1:23 ပူးပေါင်းရင်းမြစ်များ

Poropepe 7:8

Yuu taone kata kyukunai repeta enda pamuku angi

Aisaya 64:6

Namwa peparaeme koo pyuowako karamano. Namwana yulu rolae angi pilyamano lao pyuo pumwanopape yulu dupwanako peparae karo piso koo ingyuo pelyamo. Namwana koo dokome namwa mee isa porakana yao ingyuo soo papiyamo karamano.

Emosa 4:11

Kamongo dokome dopa lamaiyuo, Nambame yuu Sotoma Gomorape pyao kokwa sinyi nembeyo dopale ingyuo nakama lapo pyao kokwa sinyi nembeyo. Nakama lapo pyarepala peyami dupwa poo rao pao isa mende rao wapu lenge dopale ingyapala lete peyami. Dopa piyunupape nakamame namba kareyo dokona kapu kyuo epa nayamiko.

Orome 11:14

Juu wambu dupwame namba nakamba keta Anatunya Imambunya yulu keyange mana langirunu auwo kando yango palyapala dokona imilinya suu pyao piruwale.

1 Korina 15:33

Kopetame suu pyaa nalapape. Embena puu minyingi koo dupwame emba nyuo isa nembarami ingilyamo.

1 Korina 3:15

Dopa piramopape akalinya yulu rao otara ramo dokopa doko banya yulu isa parasa pira. Baa range kiiramo nyepae dokona lao isare wanjara.

2 Korina 5:11

Anatu andake dokona kando pakapala wambu dupwa Kurisene inginyi pyambuo karamwanosa pilyamo. Anatumi namwana mona anda soo gisingi. Nakamame namba dopa pyuo soo giso otamili yaka.

2 Tesalonaika 3:14

Nakama role pyao karaminyi wambu dokona mendeme pii pepa pase dakena palamo dupwa warombo see nara ramo doko lengeme iki makande pyuo kandapala baa keta mende pii nalapape. Dopa pirami ramo dokopa baa elya nyera.

1 Timoti 4:16

Emba rangena yulu pyuope mana pii laope dolapona kando pyuo karape. Dopa pyuo puu pare ramo dokome emba rangepe dee wambu embena pii serami dupwape kyawa minyara ingilyamo.

2 Jone 1:11

Yako lao role pyao karare ramo dokopa banya yulu koo doko emba keta palira.

Juti 1:22

Wambu lapo Kurisene yulu dokona suu pingi lamana palyuo kareyami kande doko nakama kondo sakao anjiki pyuo nyiso karalapape.

Orepalaisane 3:18

Dokona lao kana golo yapasipi lao kandalana isarena yango makande pyuo kandasi namba reto karo dupwana lapo ropo pyao nyelapape. Dopa pyuo nyeraminyi dokopana angi kamongo ingyuo parami. Dee nakama komau kakepame lapo nyepala nakamana elyuo papara karaminyi dokona wapurami. Dopako pyuo mamba lapo ropo pyao jeronopa lenge pono lao rao kararami dokona lao kisalapape.

Orepalaisane 3:4

Dopa pyuo lapunupape yuu Satisa dokona wambu lapona komau karo pisa napyamosa nakamana kingi doko isa paa nalyamo. Dupwa kapa ingyapyamopa nambamoo pipya komau kakepame dupwa wapwaro kararami.