Juti 1:20 - Anatunya Buku Baepole Ole Testamene Pii Lapo dee Nuu Tesamene

²⁰ Dopa piraminyipape nakamba nambana puu minyingi dupwa nakamana Kurisene yulu yapasi doko kaeya nao Imambunya nenge nao ando karalapape. Imambu Poo Pyasinya porainya renge nyepala ateŋa lalapape.

Juti 1:20 ပူးပေါင်းရင်းမြစ်များ

APOSELENA YULU 15:9

Baame namwa kamame mendepale inginyi pyambuo suu pyao nakama mee mende ingyuo suu pyao piyande daa. Nakamame Yesu kapa ingingi lao suu piyamisa monarena koo dupwa pyuo poo pyao nyakamiya.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

APOSELENA YULU 6:7

Dopa pyuo piyami dokopa Anatunya pii doko waiya lao raeyo peya. Dokopa wambu malu disaepole ingyapala Jerusaleme misi dokona konda pipala ama malu kareyami. Dokopa purisi akali malu Yesunya yulu pete pete lao pyuo kareyami.

APOSELENA YULU 9:31

Dokopa yuu Jutiape yuu Galilipi yuu Samariapena Elyambu Pingi wambu dupwa mona kyuu lao siyamopa kareyami. Nakama monarena Kamongo doko pakao karo Imambu Poo Pyasi dokome nakama nyisiyamopa kareyami. Dokopa wambu malu Elyambu Pingi sukusa dokona konda konda pipala ama malu ingiya.

Orome 15:2

Namwame yangonge dupwa mona seramo karena lao lakando karamana. Dopa pirama dokopa banya Yesu kapa ingingi lao soo nyiyamo doko poraiyuo andara.

Orome 8:15

Anatumi Imambu jiyamo doko baa nakama puu maipala pako kararami lao epeyande daa. Baa nakama keta maralyapala banya wane angingyuo pyambuyamopa nakama Anatu kando Rakane, nambana Rakane lao karaminyi.

1 Korina 1:8

Dee yuu gii lumwa piramopa kyawa minyara dokome Kamongo Yesu Koraisana yuu gii dokopa nakama mondo lao pisirami.

1 Korina 10:23

Lapome, Yulu peparae mee namwa kapa pirama ingilyamo letaminyi. Kapa pirami doŋo yulu peparae keyangeko daa. Yulu peparae mee namwa pirama ingyapyamopape yulu dupwa peparaeme namwa nyisa nara.

1 Korina 14:15

Dokona lao apa pirusi? Nambana imambupi suu pingipi dolapo laparaeme ateŋa laope kenane pyaope pyuo kararo.

1 Korina 14:26

Yangonemoo apa lao letose? Nakama misi sela epenge dokopa akali mendeme kenane pyao mendeme pii polo lao mendali keta Anatunya pii epo pano pyongo pyaramo lao pirami. Dee mendeme wambunya pii daa mee menderende see nao laramopa mendalimi pii doko polo lara. Dusipame Elyambu Pingi nyisa nara ramo doko kaemanale.

Galasia 4:6

Epapu nakama banya Ikinyingi ingilyamo dokona lao Anatumi banya Ikinyinginya Imambu, Rakane nambana rakane lenge doko nakamana mona dokona palena leya.

Epesasa 4:12

Dokome Anatunya yapasi wambu dupwa mondo lanyi pyambuo dokopa Kurisene yulu pirami dokome Koraisana yongo dokona andanyi nembaraŋa lao piya.

Epesasa 4:16

Baa kyawa dokona namwa banya kingi kimbu lengepe rangena panda dokona pyakuiyalya pyakuiyana piro kara napala kapa pela penge. Dokona namwa yongo mendaki ingilyamo dokome mende nyisalya nyisana pyuo poraiyuo piramano dokome yongo peparae mona retenge renge dokona simuisa ingyuo ando para ingilyamo.

Epesasa 4:29

Pii koo dupwa nakamana kambunya neta nyii nao pii keyange yapo, pii keyange dupwa lao wambu yango nyisaraminyi dokopa serami dupwa elya pisi ingyuo parami.

Epesasa 6:18

Imambumi renge kuiyuo yuu peparae kaeya nao ateŋa lalapape. Anatu dokona ateŋa peparae sokondali pyuo karalapape. Dokona lao lenge rao karo, Anatunya wambu yapasi peparae dokona kaeya nao ateŋa lakamailapape.

Kolosi 2:7

Namwa Kurisene yulu mana langiyama dokona minyuo pingi pyapala ando karo mona yaepapala Anatu lakando karalapape.

1 Tesalonaika 5:11

Renge dokona lao wambu yango porainyi pyambuo mendeme mende nyuo mona minyarambu karalapape. Epapu dakepa pilyaminyi dopako pyuo kararami.

1 Timoti 1:4

Nakama sinju pii dupwape rora ambasupinya kingi dupwape ketae pyambuo lao kara nana lamairi. Pii dopale lao kararami ramo doko wambu dupwana kyawa sisingi bolombalo larasa angi doko anjuku lao saka naramisa pira. Pii kyai dokome Anatunya yulu dupwa moko minyuo paa nalyamo. Anatu kapa ingingi lao suu pingi wambu dupwame iki Anatunya yulu rolae kandenge.

2 Timoti 1:5

Namba embame Anatu kapa ingingi lao suu pyao mandeene doko angi ingilyamo lao kame see nalyo. Anatu kapa ingingi lao suu pingi dokore embena apusingi Loisa endakinyi Yunisapame opetae suu pyao peteyambipya. Doko suu pyao embena doko mendare ingyuo pelyamo lao silyu.

Taitesa 1:1

Namba Pole Anatunya kendemande akali ingyuo karo Yesu Koraisana aposele akali dokome pepa pase pyao jilyu. Anatunya rombo palyisi wambunya kapa ingingi lao suu pingi doko andanyi pyambwapala pii angi namwana misi pii lenge doko nolakare lao Anatumi emba kyakale lao mapanyi peelyo pare langiya. Ene busiyamo dokopa Anatu kyambo laa nange dokome nakama lete karalu kararami lao kinyi lalu lao leya.

Jemesa 2:22

Renge doko kando sepa nalyamipi? Aporakame baa Anatu kapa ingingi lao suu pyaope dee yulu rolae piyamopape dolapome kapa ingyuo peya. Banya yulu dokome Anatu kapa ingingi lao suu piyamo renge doko andanyi pyambuya.

2 Pita 1:1

Namba Saimone Pita Yesu Koraisana aposele akali dokome banya kendemande yulu pyuo karo. Anatu Lete Wai Pyao Nyingi Yesu Koraisapa rolae pingi dolapome Kurisene suu pingi keyange maiyamo yango dupwa keta pepa dake pyao jilyu.

1 Jone 5:4

Anatumi manjo nyisi dupwame isa yuunya yulu doko anamarama. Namwame isa yuunya yulu anamasi minyuo karamano doko Anatu kapa ingingi lao suu pyapala anamasi minyuo karamwasa pilyamo.

Juti 1:3

Nambana puu minyingi angi dupwa, pepa pase dakena Anatumi nyiso lete wai pyao nyiyamo renge doko mana langyuo pyao jelana pipu. Dopa pyuo pipunupape nakama mona minyarambu porainyi pyambuo Anatu kapa ingingi lao suu pingi renge banya wambu joo kaeyamo doko isa paa nana lao renge doko pepa pase dakena pyao jilyu.