Josua 5:14 - Anatunya Buku Baepole Ole Testamene Pii Lapo dee Nuu Tesamene

¹⁴ Leyamo dokopa akali dokome isingi lao, Namba embena yanda singi daa. Dee namba embena yanda pimwai daa. Kamongona ami dokona namba mupwa ingyuo karenge, leya. Leyamo dokopa Josua baa yuu dokona pangu sepala akali dokona kingi ketae pyambuo lakando lao, Namba embena kendemande yulu pyakange akali. Embame namba apa pyakapili lao suu pilisi? leya.

Josua 5:14 ပူးပေါင်းရင်းမြစ်များ

Jenesese 17:17

Dokopa Aporakame rangena lenge kambu siyamo dokona pao palipala baa range giyuo lao, Akali ee kana andete mendaki (100) dokome wane kapa manjirape? Dee Sera opetaeko baa ee kana akalisa mange mendaki (90) dokome wane kando nyerape? lao suu piya.

Jenesese 17:3

Leyamo dokopa Aporame baa pangu siyamopa Anatumi lao,

2 Samyuele 7:19

Kamongo Mupwa Andake Wakasa doko, epapu embame kamame wakasako ingyuo pilini. Dee ee kana ene eparamo dupwana embame nambana para pyasi dupwa kando apa pyakare dupwana lao lalu lao lapi. Dokona embame namba lasaka pipi kandapi.

2 Samyuele 7:20

Dokona nambame emba aki mende konda pyuo langiru. Namba embena kendemande akali embame soo gisilini.

Samu 110:1

Kamongo dokome nambana kamongo doko lamaiyuo, Nambana kingi rolaerename pisa ipu. Embena yanda pimwai ingyuo dupwa nambame nyuo embena kimbu yukuna dokona rambukinyinyi pyambwakaro.

Samu 24:10

Kiŋi mupwa doko apisi? Nyuo anamasi minyingi Kamongo doko baa kiŋi mupwa ingyuo karamo.

Ekesetase 4:10

Moseseme Kamongo kando pii leyamo dokona lao kalyuo leya. Namba wambu malunya lenge kambu dokona sipurapala pii laa nange kandale. Dee yuu gii embame namba kando nyepala langi kande dokona piso pao dakepape laa naowako karo. Namba pii lalana saka napala mona palyuo ŋeŋe lao lenge leya.

Ekesetase 4:13

Dopa lao dake leyamopape Moseseme lao, Daa. Kamongo emba mendali wakale kapa lao suu pyarende pena lao nembape, leya.

Aisaya 55:4

Nambame baa wambu rara peparaena akali kyawa ingyuo wasiyu. Wasapala baa keta nambana porai renge doko nakama lasaka piyu.

Aisaya 6:8

Enakana Kamongome lalyiyamo siyunupa lao, Api mendali mapanyi nembarope? Apimi mendeme nambana pii minyakao parape? leyamo siyu. Sepala nambame baa lamaiyuo, Namba parowale. Nembena, leyo.

Isikiolo 3:23

Dopa leyamo dokopa yuu anda lama lama dokona peyono dokopa Kamongona yanga paupau lenge ipwa Sepa dokona wamba kandeyo mee dopaleko kandeyo. Kandapala dokopa kingi wapambu lakao mona kando kareyo.

Nambase 22:31

Dokopa aŋala dokome wua gela minyaro kata dokona kareya doko Belameme kandena lao Kamongome lasaka piya. Lasaka piyamo doko kandapala Belame banya lenge kambu yuu dokona suu lapala pao paleya.

Matyu 22:44

Kamongo dokome nambana Kamongo lamaiyuo, Nambana kingi rolaerename pisa ipu. Embena yanda pimwai ingyuo dupwa nambame nyuo embena kimbu yukuna dokona rambuki nyinyi pyambwakaro. leya.

Matyu 8:2

Dokopa akali rapa neya mende baa kareyamo dokona epapala lenge kambu siyamo dokona wapambu pii pyaro pisipala Kamongo, Embame namba pyuo nyero lao suu pyare ramo kapa pyuo nyere, leya.

Luku 1:43

Kamongona endangi doko namba ketae pyambuo yako lao epelyamo doko apa pipyasa pilyamo?

Luku 20:42

Dapiti baame kenane pii pyasi palamo buku dokona dopa letamo. Kamongo dokome nambana Kamongo lamaiyuo, nambana kingi rolaerename pisa ipu.

Luku 5:12

Anda malu repe repe pyuo karenge dokona mendena kareyamo dokopa akali mende rapa andake neyamo epeya. Epapala baa Yesu kandapala banya lenge kambu doko yuu dokona pangu sepala baa piso sokondali piya. Kamongo, embame namba elya pyuo nyero lare ramo namba kapa elya pyuo nyere, doko silyu leya.

Jone 20:28

Tomasa baame sepala soo neta nemba nao isingi lamaiyuo, Emba nambana Kamongo, nambana Anatuŋu leya.

APOSELENA YULU 9:6

Dopa pyuo pipinyipape emba sipurapala anda malu palyuo karamo dokona puu. Parene dokopa emba dopa piri dopa piri lao langirami leya.

Pilipai 3:8

Bange dusipa iki daa. Bange peparae mee ingyuo pelyamo lao soo nyepala mende mupwa wakasa keyange ingyuo pelyamo dokona lao poraiyuo suu pilyu. Mende keyange mupwa wakasa doko nambana Kamongo Koraisa Yesunya soo gisilyu renge doko. Banya reke lao bange peparae neta nembo oteyo. Yesu Koraisana arapu dokona karapuli yaka lao isa bange peparae isa pena leto.

Ipuru 2:10

Anatu bange peparaena simuisa ingyuo karenge dokome Yesumi wambu malu sukusa lanyuo eparaŋa lao suu pyapala baa randa mainyi pyambuo sukunde ingyuo kiso rolo yulu keyange wakasa piya.

Orepalaisane 12:7

Dokopa yake dokona yanda andake sipureya. Aŋala mupwa Maikele lenge dokome banya aŋala lapo dupwa pipa kau andake dokopa yanda pimwaiyami. Dokopa dee kaupi banya aŋala dupwapeme isingi yanda pimwaiyami.