Josua 4:9 - Anatunya Buku Baepole Ole Testamene Pii Lapo dee Nuu Tesamene

⁹ Purisi dupwame Kana Minyuo Lalu Lao Lenge Pii Palenge Bokote doko soo pao ipwa Jotane sukusa kareyaminyi panda dokona Josuame kana akalisa ipisu lama (12) kamameko nyepala isa reteya. (Kana dusipa dakepa mee dokona silyamo.)

Josua 4:9 ပူးပေါင်းရင်းမြစ်များ

Jenesese 26:33

Dokopa baame kingi doko Sipa leya. Dokona lao dakepa yuu taone doko kingi Biasipa lao karaminyi. (Kingi Biasipa doko Kana Minyuo Lalu Lao Lenge Yuwale dopale lenge.)

Jenesese 28:18

Jekope yangama dokopa wamba kukwa sipurapala kana kilyanda pyaro paleyamo doko nyuo yuunya pisapala ketaerename mamba yangeya.

1 Kiŋi 18:31

Wasapala dokopa Kamongo dokome kingi Isaraele akali Jekope lao maiyamo dokona para piyamo rara akalisa ipisu lama (12) dusipana mendaki mendaki lao baame kana akalisa ipisu lamako (12) nyiya.

Ekesetase 24:12

Kamongo dokome Mosese lamaiyuo, Emba yuu kyau namba karo dakena ipupi. Epo kararene dokopa wambu dupwa lowa peparae kapa mana nyerami lao kana para lamana pyao reteyono dolapo jero.

Matyu 27:8

Dopa piyaminyi dokona yuu doko kingi Ranjamareta leyami. Leyaminyi kingi dokoko dakepa mee lao karaminyi.

Matyu 28:15

Dokopa yanda singi dusipame kana dupwa nyepala lena leyami dokona palyuo leyami. Dokopa lasi pii doko Juu wambu kareyami dupwana lao raeyaminyi doko suu pyao epapu laoko karaminyi.

Dutaronome 34:6

Dopa piyasa Kamongome Mosese yuu Moape dokona yuu taone Betepiyo lama kanda kanda singi dokona nyuo malu piya. Dopa pyuo malu piyamopape yuu dusape panda dasape malu pisi karamo lao malu piya doko mendemepe kando soo gisa nalyaminyi.

Josua 24:26

Maipala Josuame mawa pii dupwa buku Anatunya lowa pii pyasi palenge dokona pyao reteya. Retapala kana andake mende nyepala Kamongona misi lenge panda dokona isa oke lenge kareyamo renge dokona reteya.

Josua 4:10

Kamongo dokome Josua wambu pinya lena leyamo yulu dupwa pilyamipi lao purisi dupwa ipwa Jotane suku dokona mee isaro kareyami. Doko Moseseme leyamuli pyuo piyami. Dokopa wambu dupwa waiya lao ipwa doko yalo peyami.

1 Samyuele 7:12

Dokopa Samyueleme kana mende nyepala yuu Misipa yuu Senepa lili kanya dokona pisipala lao, Kamongome namwa kata imwano dupwana peparae nyisapya. Dokona lao kana dake Nyisingi Kana larama, leya.