Josua 4:24 - Anatunya Buku Baepole Ole Testamene Pii Lapo dee Nuu Tesamene

²⁴ Renge dokona lao isa yuu dakena wambu peparaeme Kamongona porainya renge doko andake wakasaŋa lao soo gisarami. Dee nakamame nakamana Kamongo Anatu doko lakando kingi ketae pyambuo karalu kararami ingilyamo, leya.

Josua 4:24 ပူးပေါင်းရင်းမြစ်များ

1 Kiŋi 8:40

Dokona lao embena wambu dupwame embame namwana rora ambasupi yuu mainyi dokona palu karo yuu peparae emba warombo sinya.

1 Kiŋi 8:60

Dokona lao wambu rara yuu muu dupwana peparaeme Kamongo baa iki doko Anatu. Dee dokona mendali daa lao soo nyinyale.

2 Kiŋi 19:19

Dokona epapu Kamongo namwana Anatu Asiria wambu dupwa pipya namwa kyawa lete nyuo nyisape. Dokona lao yuu muu dupwana wambu rara palaminyi dupwame peparae Kamongo emba iki Anatu lao soo nyinyale, leya.

2 Kiŋi 5:15

Baa kapu kyuo banya akali dupwa pipya Ilaisa kareyamo dokona pao dopa leya. Namba epapu silyu. Anatu wakale mende kara nange. Isaraele wambunya Anatu dokoko angi karenge. Dokona nambana bange rae maiyuo jilyu dake emba nyepe, leya.

Jopo 40:9

Emba porai namba yalese? Nambana pii poraiyuo yuu gala lele lao lenge dopa pyuo embame lengese?

Samu 89:13

Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.

Samu 89:7

Yake pandana aŋala mupwa dupwa wato lenge dokopa emba ketae nembo lenge. Peparaeme emba mupwa lao suu pyaopako karenge.

Ekesetase 14:31

Kamongome Isipi wambu dupwa banya porai renge andake dokome pyao kumasiyamo doko kandapala dokopa baa mupwa wakasa lao suu pyao pakayami. Dopa pipala Kamongome angi mende kapa pira lao soo nyuo dee banya kendemande akali Mosese opetaepe soo nyuo piyami.

Ekesetase 15:16

Walu lao pakange renge dupwa nakama keta palamo. Embena porainya renge wakasa palipyamo dokona nakama romo pii nao isa karele letaminyi. O Kamongo, embena wambu dupwame pakiki palyama mee parami. Dee embena wambu angi range kulisa embame kiiramo nyipinyi dupwa dopako pyuo parami.

Ekesetase 20:20

Leyaminyi dokopa Moseseme wambu dupwa isingi lamaiyuo, Paka nalapape. Nakama yuu peparae Anatu baa mupwa lao suu pyao pakame kumuo karapala yulu koo dokona pii narami lao baame nakama makande pilyamo, leya.

Ekesetase 9:16

Dopa pii napala nakamame nambana porai doko kandarami lao lasaka pyuo nakama mee lete karalapa lao kaeyo. Dokona lao wambu dupwame yuu muu peparaena nambana kingi nyuo ketae nembarami lao piyu.

Aisaya 52:10

Kamongome banya porai renge poo pyasi dokome banya wambu lete wai pyao nyeramopa yuu muu peparaeme kandarami ingilyamo.

Dutaronome 6:2

Yuu gii malu palyuo kararami dokopa nakamape nakamana manjiraminyi dupwana para pyarami dupwamepe nakamana Kamongo Anatu doko rape rape lao banya mawa pii nambame nakama jilyu dupwa peparae warombo soo minyuo pyuo kararami. Dokona lao nakama yuu gii malu nembo yuu dokona palyuo kararami.

1 Samyuele 17:46

Yuu gii dakepako Kamongome emba namba keta jeramopa emba pyao anamasi minyuo embena mange doko pukupala dee Pilisitia yanda singi dupwana yanenge mena yakape mairunupa dupwame narami. Dopa pirami dokopa Kamongo Anatu doko Isaraele yuu dokona karengelyamo lao wambu peparae soo rali pirami.