Josua 24:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa enakana nambame Mosese Eronepa mapanyi peyapala yuu Isipi keta randa andake pena leyo. Dopa leyonopape nambame nakama nyisa nyiyu.

Josua 24:5 ပူးပေါင်းရင်းမြစ်များ

Samu 105:43

Karo baame banya rombo palyisi wambu dupwa nyuo neta nembeya. Nembeyamo dokopa rae maingi kenane dupwa pii ketae palyuo lao pyao peyami.

Ekesetase 12:37

Isaraele wambu dupwa yuu Oramese piso kata nyuo yuu Sakote dokona panya yuu kata peyami. Peyaminyi dokopa akali ama malu (600,000) dee enda wanepe dupwa opetaeko peyami.

Ekesetase 12:41

Ee kana 430 dusipa epo papeyamo yuu gii dokopa nakama Kamongona rara dupwa peparae yuu Isipi yaki nyiyami.

Ekesetase 12:51

Yuu gii dokopa Kamongome Isaraele wambu dupwa yuu Isipi yaki nyuo lanyuo epeya.

Ekesetase 3:10

Epapu emba puu laronopa kiŋi Perao petamo dokona papala nambana Isaraele wambu dupwa lanyako yuu Isipi doko yaki nyuo parami, leya.

Josua 24:6

Nakamana rora ambasu dupwa yuu Isipi kareyaminyipa nambame neta nyuo lanyuo epeyo. Lanyuo epeyonopa Isipi range wambu dupwame mena matana pisope dee mena oseme ipyuo penge uliuli dupwana piso pyao peta ralyuo nyela epeyami.