Josua 24:27 - Anatunya Buku Baepole Ole Testamene Pii Lapo dee Nuu Tesamene

²⁷ Retapala Josuame wambu dupwa lamaiyuo, Kamongome namwa pii langipyamo dupwa peparae kana dakeme sipyamosa namwame yuu peparae kana kandapala kana minyuo lalu lao lenge pii dokona lao suu pyarama. Suu pyapala kana dokome lasaka pili lao nakamame namwana Anatu baa kando kamba laa naramisa pira ingilyamo, leya.

Josua 24:27 ပူးပေါင်းရင်းမြစ်များ

Jopo 31:23

Renge doko namba Anatumi kote lara ingilyamo dokona soo paka renge ipyasa namba yulu dopalepe mende kamame pii napuli lao suu pyao karo.

Jopo 31:28

Koo dopale dokome Anatu Porai Wakasa doko mata maipala kumuo randa nyingi.

Aisaya 1:2

Kamongome lao, Yake yuupa dolapona nambame pii leto doko apa pyuo leene lao serambi, leya. Wane wanakepe nambame manju andanyi pyambwapu dupwame namba yanda pimwailyaminyi.

Apakuku 2:11

Dokona nakamana kana kame piro karamo dupwame nakama laiya langirami. Laiya langiraminyipa poponge dokome pulyambana isa dupwana wuambalombalo papipala pii larami dupwa palenda ingyara.

Nambase 11:20

Dopa piramopape kana mendaki nao otarami. Yuu gii dokopa nakamana kale kata dokona nenge myana neta eparamopa nalana rae mai narami. Kamongo nakama keta dae karapyamo doko kame soo mata maiyuo karo baa kando mumu lao namwa yuu Isipi yaki nyii namwali doko kapa ingyapyali leyaminyi dokona dopako pira, leya.

Matyu 10:33

Laronopape isa akali dupwana lenge kambu dokona namba mata joo larami wambu dupwa peparae nambana Rakane yake panda karenge dokona lenge kambu dokona nambame nakama mata maiyuo laroko.

Luku 19:40

Baame isingi dopa leya. Dopa langilyu, kalai dupwa romo napyuo karamili doko mee kana dupwame pii lao kyakale lamili, leya.

Dutaronome 30:19

Dokona nambame epapu renge kata lama jilyu dolapo lete karenge dokope kumungi dokope dee Anatumi elyape keta pisingi dokope dee koo keta pisingi dokope jilyu. Jepala nambame yake yuupi dolapome nakama angi renge dolapona mende rombo palyuo nyeraminyi dokona usinisi lakana lao kee leto. Lete karenge renge doko rombo palyalapape.

Dutaronome 31:19

Embame dakepa kenane dake pepa pyapala Isaraele wambu nakama mana lamairi. Dokopa kenane dokome nakama pipya nambana usinisi ingyuo yango palyuo pyasi palira.

Dutaronome 31:21

Randa koo malu mee nakama keta epara. Dopa piramopape kenane para pyao nyerami dupwame pyao kararami dakeme nambana usinisi ingyuo koo piyaminyi dupwa lasaka pira. Nambame yuu mairuŋu lao kaeyasi kandale dokona lanyuo papa naronopape epapu nambame dopa pyuo suu pyao karaminyilyamo lao soo karapunu pilyamo, Anutumi Mosese lamaiya.

Dutaronome 31:26

Buku Anatunya mawa pii pyasi palenge dake nyepala Kamongo nakamana Anatunya Kana Minyuo Lalu Lao Lenge Pii Palenge Bokote repeta retarami. Dokome banya wambu dupwa kopetame pisaraminyi lao lasaka pyuo serasa pira.

Dutaronome 32:1

Isa yuu yakepe dolapo pii lalopono dupwa selapa. Kale yukupala nambana pii sokondali pipwape.

Dutaronome 4:26

Nambame yake dokopa isa yuu dokopame epapu nakama pipya pii langilyu dokona usinisi ingyuo lakaramiŋi lao kee leto. Nakamame nambana pii warombo see narami ramo doko nakama oo repeta yuu dakena pali nalomene. Doko ipwa Jotane yalo nakama yuu dokona palinya suu pilyaminyi dokona yuu gii andare palyuo kara narami. Nakama pyao kokwa soo nembalu nembo nembaro.

Taitesa 1:16

Nakama kambu dokome Anatunya wambuŋu lao yulu piminyi dupwame banya ingyuo paa nalyamo. Nakama kamba lao yango mende kando awa epekanda napala yulu koo pingi dokome yulu keyange pinya saka nalyaminyi.

Josua 24:28

Lapala dokopa Josuame wambu peparae dupwa nakama rangena yuu wakale wakale dupwana pena leyamopa peyami.

Orepalaisane 3:8

Nakamana yulu pyuo karenge dupwa namba kandelyo. Kandalapa. Nakamana kambu dowa lumbwakapu doko mendeme upi larami ingya nalyamo. Nakama kamame porai ingyuo kara nayaminyiko doŋo nambana pii leyonuli pyuo pyuo karapala nambana kingi doko yaki nyii nalyaminyi.

1 Samyuele 7:12

Dokopa Samyueleme kana mende nyepala yuu Misipa yuu Senepa lili kanya dokona pisipala lao, Kamongome namwa kata imwano dupwana peparae nyisapya. Dokona lao kana dake Nyisingi Kana larama, leya.