Josua 2:9 - Anatunya Buku Baepole Ole Testamene Pii Lapo dee Nuu Tesamene

⁹ Papala nakamba lamaiyuo lao, Kamongo dokome yuu dake nakamba jipyamo doko namba silyu. Doko yuu dakena range wambu peparae dupwa nakamba kando pakalyaminyi.

Josua 2:9 ပူးပေါင်းရင်းမြစ်များ

Jenesese 35:5

Dopa pipala Jekope ikinyingimoo kata nyuo peyami dokopa wambu yuu taone dokona repeta palenge dupwame pakame kumapala peteta pyala paa nayami.

2 Samyuele 17:10

Dapitimi dopa piramo dokopa embena rakane doko yanda singi andake wakasa dee banya akali dupwa yandana soo otenge doko Isaraele wambu peparae soo otelyaminyi dokona mena laeneme bange mendepe paka nange dopale ingyuo yanda singi porai yanda pingi dupwa pakao pyuo penge dupwa mee pakarami.

2 Kiŋi 5:15

Baa kapu kyuo banya akali dupwa pipya Ilaisa kareyamo dokona pao dopa leya. Namba epapu silyu. Anatu wakale mende kara nange. Isaraele wambunya Anatu dokoko angi karenge. Dokona nambana bange rae maiyuo jilyu dake emba nyepe, leya.

2 Kiŋi 7:6

Kamongo dokome Siria ami yanda singi dupwa sinya lao yanda singi mena ose matana pisope dee mena oseme ipyuo penge uliuli pii lenge dopale ingyuo leya. Dokopa Isaraele wambu dupwame Iti wambunya kiŋipi dee Isipi wambunya kiŋipi dee nakamana ami yanda singipi dupwa nakama pyala pena lao kana maimilyamo lao Siria dupwame suu pyao kareyami.

Jopo 19:25

Dopa pyuo lapunupape akali kamame wakasa mende yake panda dokona karamo dokome lumwa pyuo epapala namba pyuo nyera lao soo otelyo.

Samu 115:16

Yake panda doko Kamongonaiki silyamo. Sipyamopape Kamongome isa yuu doko mee akali dupwa keta maiya.

Ekesetase 18:11

Isipi wambu dupwame Isaraele wambu dupwa kando kilya kando epe kanda nayami dokopa Kamongome nyisiyamosa baame mee bange wasisi anatuŋu lao dupwa nyuo isa palyuo kamame andake wakasa karenge doko epapu soo otelyo, leya.

Nambase 20:14

Mosese baa yuu Katese karo akali lapo pii minyuo yuu Itome kiŋi doko lamaila pena leya. Papala nakamame lao, Pii dake embena akali yango Isaraele rara dupwa peyami. Namwa randa neyamano dupwa emba silini, leyami.

Nambase 20:24

Nambame Isaraele wambu yuu mairu lao lalu lao leyo dokona Erone baa kapa paa nara. Yuu Meripa dokona nambame pii langiyunuli pyuo pii nayambi dokona baa kumara.

Matyu 20:15

Nambana range mone dokome mende piroŋo lao suu pyaronuli pyuo kapa mee pii narose? Nambame ipyuo mailinyi lapala nakama ingi koo palyaramisi? leya.

Dutaronome 32:8

Kamongo Ama Ketae karenge dokome wambu rara wakale wakale dupwa yuu kapa paliraminyi dupwa rombo palyuo mokwa soo maiya. Wambu anja palirami lao rombo palyiya. Baame rara mendaki mendaki lao rapu pira lao aŋala mende rombo palyiya.

Ipuru 11:31

Pamuku enda Oreapa lenge doko baa Anatu kapa ingyara lao suu pyapala kata kandala epeyambinyi akali dolapo nyisiya. Doko baa mona kapu kyaa nange koo keta paleyami dokona kaki rambe rambe pali naya.

Josua 2:11

Namwa doko siyama dokopa aopa pakayama. Nakama ama porai ingilyaminyi leyami doko sepala namwana porai renge doko isa puu pao peya. Nakamana Kamongo Anatu doko yake panda ketae dokona baako karenge dee isa yuu pandape peparaena baako karenge.

Josua 2:24

Lamaipala dee lao, Kamongo dokome yuu doko peparae namwa jipyamo doko nambwa silyambano. Doko wambu yuu dokona palaminyi dupwa peparaeme namwa kando pakalyaminyi, leyambi.

Josua 2:8

Yuu gii kukwa dokopa akali dolapo luu palipa nayambinyipa enda Oreapa doko anda ketae dokona peya.

Josua 5:1

Isaraele wambu dupwa ipwa Jotane dokona sukusa kata pena lao ipwa Jotane doko Kamongome soko rali pipya leyami doko yuu Amote wambunya kiŋi ipwa Jotane neta yalyingi dorena karenge peparaepe dee Kenane wambunya kiŋi dupwa peparaeme ipwa kota Metitaraniane lenge kipwa kipwa dokona palenge dupwapeme siyami. Dokona lao Isaraele wambu epelyaminyi lao suu pyao nakama pakapala nakamana porainya renge doko isa peya.

Josua 6:2

Dokopa Kamongo dokome Josua lamaiyuo, Nambame yuu Jerekope dokona kiŋipi yanda singi porai karaminyi dupwape emba keta retelyo.

Jasi 7:14

Dokopa banya puu minyingi dokome isingi lao, Doko mende lao pii napya. Isaraele akali Gitione baa akali Joasena ikinyingi dokona wua gela dokoŋo, leya. Lapala Anatumi namwana yanda singipi peparae dee Mitiane wambupi pipya nyuo isa palyuo baa wini pingi renge maipya, leya.