Josua 2:10 - Anatunya Buku Baepole Ole Testamene Pii Lapo dee Nuu Tesamene

¹⁰ Nakama yuu Isipi yaki nyuo epeyaminyipa Kamongo dokome ipwa Kota Kone lenge doko soko rali piyamopa nakama dokona kata siyamo epeyami doko namwa siyama. Dee ipwa Jotane epenge yuu neta pyakalyingi dorena Amote akali kiŋi lama kingi Sayone dee Oke lenge dolapo pyao kumakayami doko namwa siyamako.

Josua 2:10 ပူးပေါင်းရင်းမြစ်များ

Nambase 20:14

Mosese baa yuu Katese karo akali lapo pii minyuo yuu Itome kiŋi doko lamaila pena leya. Papala nakamame lao, Pii dake embena akali yango Isaraele rara dupwa peyami. Namwa randa neyamano dupwa emba silini, leyami.

Nambase 23:22

Anatumi wambu dupwa yuu Isipi karo nyuo lanyuo epeya. Mena bulamakao kali rae lenge dopakale ingyuo baame yanda pimwai dupwa pyao nembakamingi.

Nambase 24:8

Anatumi wambu dupwa Isipi karo lanyuo epeya. Baame mena bulamakao kali rae lenge dopakale ingyuo wambu dupwa pyao ralinyi nembakamyuo karenge. Nakamame nakamana nyisu petenge dupwa pyao kuli rukyuo walikya dupwa pyao roo payo mumu pingi.

Josua 24:12

Nakama epeyaminyi dokopa namba wambo pao wambu dupwa pakanyi andake pyambuyu. Dopa pyuo nakamame Amote kiŋi lama pyao raliyaminyisa piya. Nakamana yandape wua gelape dupwame mendali piyaminde daa.

Josua 4:24

Renge dokona lao isa yuu dakena wambu peparaeme Kamongona porainya renge doko andake wakasaŋa lao soo gisarami. Dee nakamame nakamana Kamongo Anatu doko lakando kingi ketae pyambuo karalu kararami ingilyamo, leya.

Josua 5:1

Isaraele wambu dupwa ipwa Jotane dokona sukusa kata pena lao ipwa Jotane doko Kamongome soko rali pipya leyami doko yuu Amote wambunya kiŋi ipwa Jotane neta yalyingi dorena karenge peparaepe dee Kenane wambunya kiŋi dupwa peparaeme ipwa kota Metitaraniane lenge kipwa kipwa dokona palenge dupwapeme siyami. Dokona lao Isaraele wambu epelyaminyi lao suu pyao nakama pakapala nakamana porainya renge doko isa peya.