Josua 10:3 - Anatunya Buku Baepole Ole Testamene Pii Lapo dee Nuu Tesamene

³ Dokona lao akali Atonisetekeme pii nembo akali Oyame yuu Eperonena kiŋi dokope akali Pirame yuu Jamurana kiŋi dokope akali Japia yuu Lakisinya kiŋi dokope dee akali Depa yuu Ekelonena kiŋi dokope dopa lamaiya.

Josua 10:3 ပူးပေါင်းရင်းမြစ်များ

Jenesese 23:2

Baa yuu Kiriatapa kingi mende Eperone lenge yuu Kenane dokona kumuyasa Aporakame ee lao kumanda peteya.

Jenesese 37:14

Dokopa banya rakangeme Josepe lamaiyuo, Embena yangongemoo lopao mena dupwa mende pyuo pingi pira kandala papala langyala epale puu, leya. Rakangeme dopa lao, Yuu Eperone lama dokona pisu pena, leya. Josepe baa yuu Sikeme dokona papala

2 Kiŋi 18:14

Dokopa Esekayame akali Senakeripi yuu Lakisi dokona kareyamo doko keta pii wai nembo lao, Nambame kopetame pyuo koo piyuŋu dokona embame akali bange mende jii lao pyuo jeroŋo yuu pyao kokwa soo nyilini doko kaeyape, leya. Leyamo dokopa akali mupwa dokome pii isingi lao, Akali Esekaya dokome kana kulingi kilokerame taosande akalisa (10,000) joo dee kana golo kilokerame taosande mendaki (1,000) ingyuo joo pinya leya.

2 Kiŋi 18:17

Dokopa yuu Asiria akali mupwa dokome yuu Lakisi yanda singi ami ama malu dupwame Esekaya baa yuu Jerusaleme kareyamo dokona pyala pena leya. Peyaminyi dokopa banya akali mupwa rema dusipame dopa pinya dapa pinya lao wambo laminyiyami. Nakama Jerusaleme epo pyaka sepala dokopa panda komau wasingi dokona kata repeta singi dokona kareyami. Kata doko ipwa pete ketae singi doko minyuo epenge suu dokona repeta siya.

Maeka 1:13

Yuu Lakisi palenge wambu dupwa nakamana mena oseme ipyuo penge uliuli doko yapa lao kimbu selapape. Nakama Isaraele wambunya koo dupwa makande minyuo pipala Jerusaleme doko yulu koo pinya lao lasaka piyami.

Josua 10:1

Josuame yuu taone Jereko pyao kokwa soo dee yuu dokona kiŋi pyao kokwa soo piya. Dopa pipala yuu Eyai dokona dopako pyuo piyamo doko leyaminyi Jerusaleme range kiŋi banya kingi Atoniseteke lenge dokome siya. Sepala Gipione wambu dupwame mona siyamopa Isaraele wambu dupwa pipya manda rao peteyami doko leyaminyi siyako.

Josua 10:5

Amote kiŋi kingi paki dusipame Jerusaleme range kiŋi dokope Eperone range kiŋi dokope Jamura range kiŋi dokope Lakisi dee Ekelone range kiŋi dolapope nakamana yanda singi dupwa peparae nyuo malu palyuo yuu Gipione doko awali lao karo yanda piyami.