Josua 10:12 - Anatunya Buku Baepole Ole Testamene Pii Lapo dee Nuu Tesamene

¹² Kamongo dokome Isaraele akali dupwa nyisiyamopa Amote akali dupwa pyao wini piyami. Yuu gii dokopa Josuame Kamongo pii lamaiya. Baame Isaraele wambunya lenge kambu dokona dopa leya. Neta, yuu Gipione kanda kanda dokona mee rao kara. Kana, yuu Ainjalone rapu dorena kanda kanda mee rao kara.

Josua 10:12 ပူးပေါင်းရင်းမြစ်များ

Samu 148:3

Neta kanapeme baa lakandalapape. Dee bui lepo pyuo rao karenge dupwame baa lakandena.

Samu 19:4

Dopa pipyamopape nakambana neta rao yuu muu dupwana pumbinyi dokome yake yuupi rambungi dolapona kapa kapa pyuo soo otelyaminyi. Anatumi yake dokona renge kuiyuo rao karena lao panda wasakamiya.

Aisaya 60:20

Nakamana mona rando ee lenge yuu gii dusipa lumwa pira. Dokopa namba Kamongo doko kendali ingyuo neta kanape dolapo yalaponalu rao sulu sero.

Emosa 2:9

Dopa pyuo karaminyipape nambana wambu nakamana kingi reke lao Amone akali ama londe mano isa ingyuo lombala pasi dupwape ando ama isa napupa manda manjo poraingi dupwape pyao kokwa soo nembeyo kande.

Emosa 8:9

Yuu gii mende eparamo dokopa andawai korakama neta karara doko kaepala anda pao alemanji ingyuo yapa sii pyuo yalyinya laro. Korakama neta rao karenge gii dokopa yuu doko iminjo umi ami lena laro. Lao, Namba Kamongo Mupwa Andake Wakasa karenge dokome pii dake lapunu pilyamo, leya.

Apakuku 2:20

Kamongo baa banya misi anda poo pyasi dokona karenge. Dokona isa wambu peparaeme banya lenge kambu dokona koo pyuku pyuku paramo karena.

Apakuku 3:11

Peyamopa kaku walekape embena doko pundai pipala yanga paupau lao peyamosa neta kanape dolapo romo pii nao mee kareyambi.

Dutaronome 4:19

Nakamame yake dokona netape kanape buipi dupwa kandapala dokopa walu lao lakando dusipana lao minyuo yulu pii nalapape. Nakamana Kamongo Anatumi wambu wakale keta bange dusipa lakandena lao maiya.

Josua 10:13

Isaraele wambu dupwame ene wini pinya piyaminyi dokopa neta kanape dolapo mee romo pii nao rao karalu kareyambi. Dopa piyamo dokopa yake suku dokona neta mee rao karalu kareya. Dopa piyamo dokopa yuu yangama piso pao yuu kukwa opetaeko rao karalu kareya. Dopa piyaŋa lao Akali Rolae Pingi Dupwana Buku dokona pyasi palamo.

Jasi 5:20

Bui dupwa yake dokona pyakando pyuo oko soo peyami. Dopa pyuo peyaminyi dokopa nakama Sisirapa yanda pimwai ingyuo piyami.

1 Samyuele 12:18

Lapala Samyuele baame ateŋa piya. Piyamo yuu gii mendaki dokopako Kamongome yuu gala lao apu peeya. Dokopa wambu dupwame Anatu baa mupwa lao suu pyao pako dee Samyuele opetae kando pakoko piyami.

1 Samyuele 14:31

Yuu gii dokopa Isaraele wambu dupwame Pilisitia wambu dupwa wini pyuo anamasi minyuo piyami. Dopa pyuo yuu Mikimase dokona piso pyao pao yuu Ainjalono dokona suu lao piyami. Yuu gii dokopa Isaraele dupwa nakama lopo dokome raowe lao kumuyami.