Josua 1:7 - Anatunya Buku Baepole Ole Testamene Pii Lapo dee Nuu Tesamene

⁷ Dokona kando mona kumapala porai ingyuo karo nambana kendemande akali Moseseme Mawa Pii emba jiya dusipa peparae warombo soo minyuo pyuo karape. Mawa Pii peparae dupwana mende yaki nyii napipi. Dopa pyuo karo dokopa kata peparae papirinyi dupwana kapa ingyara.

Josua 1:7 ပူးပေါင်းရင်းမြစ်များ

1 Kiŋi 2:2

Nambana kumarono yuu gii doko repeta epelyamo. Dokona emba kando porayapala akali ingyuo karape.

1 Kiŋi 2:3

Karo dokopa embena Kamongo Anatumi aki mende pii lao laramuli pyuo pyuo karape. Banya mawa pii dupwa Mosesena lowa pii dokona pyasi palamo dupwa warombo soo minyuo pyuo karape. Dopa pirinyi dokopa emba anja panda anja dupwana yulu pirinyi dupwana kapa palyuo para.

2 Kiŋi 22:2

Akali Josayame Kamongo rae mairali yulu dupwa iki pyuo kareya. Dee banya rora ambasu akali kiŋi Dapitimi yulu piyamo dupwana moko minyuo pyuo kareya. Dopa pyuo karapala Anatunya lowa pii dupwa peparae warombo soo rape rape lao pira ingiya.

Jopo 1:8

Lamaiyamo dokopa Anatumi Satane piso soo, Embame nambana kendemande akali Jopo doko apyakale karamo lao soo karepe daa? piso siya. Akali mende baa yale kara nalyamo. Baa iki akali elyape ingyuo yuu peparae yulu rolae pyuo karamo. Baame namba Anatu pakale pakale lao lakando pyuo yulu koo dupwa waso karamo kande.

Samu 80:19

Kamongo Anatu Porai Wakasa dokome namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Poropepe 8:20

Namba yulu rolaena kata iki pao kote singi kata angi dokona moko minyuo penge.

Nambase 27:23

Kamongome leyamuli pyuo banya kingi doko Josuana kyawa dokona reto nambana panda nyilyamo lao wambu dupwa lamaiya.

Dutaronome 12:32

Mawa pii peparae nambame nakama langiyunuli pyuo pipwape. Pipala yulu mende konda pyuo pii naope dee yulu mende neta nembope pii nalapape.

Dutaronome 31:7

Dokopa Moseseme Josua epena lapala Isaraele wambu peparaena lenge kambu dokona karo baa lamaiyuo, Embame wambu dapwa yuu dokona palyuo kararami lao Kamongome nakamana rora ambasu dupwa kando yuu mairuŋu lao lalu lao lao leyamo dokona lanyuo pare. Emba pako pyuku laa napala kando poraiyuo karape.

Dutaronome 4:2

Nambame langipunu dupwana pii wakale lapo konda pii nalapape. Dee dokona mende neta nemba nalapape. Nakamana Kamongo Anatu dokona mawa pii nambame langipunu dupwa warombo soo minyuo pyuo karalapape.

Josua 1:1

Kamongona kendemande akali Mosese kumapeyamo dokopa enakana Mosesena nyiso yulu pingi akali Nanena ikinyingi Josua doko kando Kamongome pii lamaiya.

Josua 1:8

Embame Mawa Pii buku doko kambunya lao lao pyuo karape. Yuu peparae kukwa korakama lao mana nyepala pii dokona pyasi palamo dusipa peparae suu pyanyi pyano piso dokopa warombo sepe. Dokopa emba au pyuo keyange ingyuo elyape keta pare.

Josua 1:9

Nambame emba kando, Mona kumapala porai ingyuo yulu dokona kandokondali pyuo karape lao mana langiyu kande. Dokona lao namba embena Kamongo Anatu emba anja panda parene dupwana role pyapeta paramba dokona paka nao mona nemba nao poraiyuo karape, lao Kamongome leya.