Josua 1:17 - Anatunya Buku Baepole Ole Testamene Pii Lapo dee Nuu Tesamene

¹⁷ Namwame yuu peparae Mosesena pii warombo singi dokoko suu pyao embena pii warombo serama. Dokona embena Kamongo Anatu Mosese role karenge dokoko suu pyao emba keta role pyao karena.

Josua 1:17 ပူးပေါင်းရင်းမြစ်များ

1 Kiŋi 1:37

Emba kiŋi andake doko, yulu pyuo karene dokopa Kamongo baa emba nyiso role kareya dopako pyuo Solomone nyiso kararamopa emba kiŋi yulu piinyi andanyi pyambuyamopape banya yulu pyuo wambu isaramo doko kamame ulipili ingyuo ando para, leya.

Nambase 27:18

Kamongome Mosese lamaiyuo, Nanena ikinyingi Josua keta Imambu palyuo akali mora petenge doko nyepala embena kingi doko banya kyawa dokona retare.

Nambase 27:20

Isaraele wambu peparaeme baa laramuli pirami lao emba rangena porai dupwana lapo baa maipi.

Matyu 21:9

Dokona wambu malu wamboko enakao pyuo peyaminyi dupwame pii porakaiyuo kaeyo lao dopa leyami. Dapitinya ikinyingi doko neta ipwamo kandalapa, Kamongona kingi lao epelyamo doko elyape keta penale. Yake dorena lakandamana leyami.

Dutaronome 34:9

Ee lao piso oteyaminyi dokopa akali Nanena ikinyingi Josua mona palenge renge palyuo pyoko pyoko leya. Renge doko Mosese baame banya panda nyera lao rombo palyuo dokopa leyamuli pyuo piya. Isaraele wambu nakamame Mosese keta Anatunya mawa pii epeyamo dupwa Josuame leyamo dokona rape rape lao minyiyami.

Josua 1:16

Leyamo dokopa nakamame Josua isingi lamaiyuo lao, Embame pii peparae namwa langilinyili pyuo pirama dee embame anja pupwa larenele pyuo parama.

Josua 1:18

Namwana wambu dupwana mendeme embena yulu dupwana pisalya pisana pyuo dee embena pii larene dupwana lapo kamba lao pirami dupwa pyao kumakarama. Dokona mona kumapala porai ingyuo yulu doko kandokondali pyuo pyuo karape, leyami.

Josua 1:5

Josua emba lete kararene yuu gii dusipana mendemepe emba nyuo isa palyuo wini pira ingya nalyamo. Namba Mosese keta pyakamyuo kareyonoli pyuo emba keta dopako pyakao kararo. Dee yuu peparae namba emba role karo emba yaki nyuo kaeyaronde daa.

Josua 1:9

Nambame emba kando, Mona kumapala porai ingyuo yulu dokona kandokondali pyuo karape lao mana langiyu kande. Dokona lao namba embena Kamongo Anatu emba anja panda parene dupwana role pyapeta paramba dokona paka nao mona nemba nao poraiyuo karape, lao Kamongome leya.

Josua 4:14

Yuu gii dokopa Kamongome yulu piyamo doko Isaraele wambu dupwame kandapala Josua baa akali kamame andake lao soo nyiyami. Nakamame Mosese yako lao banya kingi ketae pyambuo karenge doko suu pyao banya yuu gii kareyamo dusipana nakamame Josua yako lao banya kingi ketae pyambuo kareyami.

1 Samyuele 17:37

Kamongome nyisiyamopa mena laene beyape dupwa piyu. Dopa pyuo nyisaramopa Pilisitia dake pyao kumakalopono, leya. Soleme isingi lao, Doko kapa. Kamongo Anatu emba role pyao karenale lapala pupi, leya.

1 Samyuele 20:13

Rakaneme emba pyalena suu pyao kipwa goe lalu lao laramopa nambame emba kyawa lete nyuo nyisa nembo langi nao laro ramo doko Kamongo dokome namba pyao kumakana. Kamongo nambana rakane role kareyamo doko emba role karena.