Jopo 1:3 - Anatunya Buku Baepole Ole Testamene Pii Lapo dee Nuu Tesamene

³ Banya mena sipisipi dupwa taosande yanda ipingi nyepo (7,000) kareyami. Banya mena kamele dupwa taosande rema (3,000) kareyami. Banya mena bulamakao yale kingi okese lenge dupwa taosande mendaki (1,000) kareyami. Banya mena donge andete kingi paki (500) kareyami dee banya kendemande akali soo kaeyoko kareyami. Kareyaminyipa Jopo baa yuu neta pyakaenge dorena kamongo doloma manda manja nayamo kareya.

Jopo 1:3 ပူးပေါင်းရင်းမြစ်များ

Jenesese 12:16

Peraome enda doko rae maipala Aporame elyape keta piso mena sipisipipi memepe bulamakaope mena dongepe kamelepe dee kendemande akali lapope maiya.

Jenesese 12:5

Banya etenge Saraimoo banya yangongena ikinyingi Lotemoo pinji bange peparaepe kendemande wambu lapo yuu Arane dokona baa role pyao kareyamidupwa opetaepe nyepala kata nyuo yuu Kenane panya peya.

Jenesese 13:6

Nakamba mena malu minyiyambisa yuu mendaki dokona pakao kararambi ingya naya.

Jenesese 24:35

Kamongo baame nambana akali mupwa elyape keta pisiyamopa kamongapala bange peparaeme sipyamo karamo. Sipisipi bulamakaope kana kulingipi golope kendemande enda akalipi mena kamelepe mena osepe maiya.

Jenesese 25:6

Maipala baa lete kareyamo gii dokopa Aporakame banya kamba enda dupwana ikinyingi dupwa Aisakemoo role pyao palyuo kara narami lao neta nembo bange epe epe lao maiyuo yuu neta pyakaenge dorena ingyuo yuu dokona pena leya.

Jenesese 29:1

Dopa lapala Jekope dee kata nyuo pao neta pyakaenge dorena wambu palenge dokona epo pyaka siya.

Jenesese 32:14

Mena meme inya andete lama (200) kalyuwa 20 dee sipisipi inya andete lama (200) kalyuwa 20 mena kamele inya ikyane karekare 30 bulamakao dokona inya 40 kalyuwa 10. Donge inya 20 dee kalyuwa 10 nyuo reto kareya.

Jenesese 34:23

Role pyao karamana lao pii mendakinya palyuo larama dokopa nakamana mena sipisipipi dee bulamakao pinjili bange dupwape namwana ingyuo para, leyambi.

2 Samyuele 12:2

Akali kamongo doko mena bulamakaope sipisipipi dupwa malu minyiya.

Jopo 1:10

Embame baa range banya ree palupi banya bange dupwape peparae nyuo arapunya palyuo minyakamyuo karenge kandale. Embame banya yulu piya doko ando keyange ingyuo pena lao baa rangena mena wai kiso yuu keta pinya lao nyiso karene.

Jopo 1:4

Kareyamo dokopa akali dokona ikinyingi dupwame yuu gii enenge pyaka silyamo dokopa nakamana anda range dupwana nenge malu palyuo napapu pingi. Yuu gii dokopa nakamana pemalenge rema dusipa dae nengepe ipwape nala epena lapapu pingi.

Jopo 31:25

Nambana mena bangepe dee kana malupi retenge dupwana namba range mupwa lao suu pyaa nange.

Jopo 31:37

Nambame yulu pipunu dusipa peparae Anatu lamaipala banya lenge kambu dokona namba enamba see napala karapuli.

Jopo 42:10

Dokopa enakana Jopo banya puu minyingi rema dupwana lao ateŋa lakamyuo otapeyamopa Kamongome bange keyange ama malu retena lao maiyamosa bange isa peyamo dupwa dee wai kiso nyakamyuo dokopa mee lama kamame konda pyuowale maiya.

Jopo 42:12

Kamongome wambo dokopa Jopo elyape keta pisiyamopape enakana randa maipaesa kamame wakasa elyape keta pisiya. Yuu gii dokopa Jopona mena sipisipi taosande akalisa ipisu kisima (14,000) mena kamele lenge taosande pakinyamange (6,000) mena bulamakao taosande lama (2,000) dee mena donge taosande mendaki (1,000) pyuo minyiya.

Nambase 23:7

Belameme poropeta pii pyongo pyao lao lao, Yuu Moape range kiŋi Beleke dokome namba kyakale lao ipu, leya. Neta pyakaenge yuu kyau dorena karapunupa baame namba pii lakala ipu, leya. Isaraele wambu dupwa keta randa maiyakape, leya.

Jasi 6:3

Yuu lapo Isaraele wambu dupwame ee wai dupwa randa leyaminyi andeyamo dokopa Mitiane rara dupwape Amaleke rara dupwape dee yuu muiyane dokona wambu palenge rara dupwamepe role pyao epo Isaraele wambu dupwa yanda pyuo pyapa piyami.

Jasi 6:5

Nakama menape dee komau andape dupwa minyuo epo aimbu malu mee epenge dopale ingyuo epeyami. Dokopa nakamape dee nakamana mena kamele dupwa peparae mendeme kapa yaka lalana saka naya. Doko nakama epapala yuu doko pyao kokwa soo nembo otalu oto oteyami.

Jasi 7:12

Dokopa Mitiane wambupi Amaleke wambupi dee yuu muiyanena akali rara lapo dupwape aimbu ama malu wakasa dopale ingyuo pau dokona muu rale lao raeyami. Dee nakamana mena kamele ama malu wakasa ipwa kota kee kama wangunya singi dopale ingyuo kareyami.

Jasi 8:10

Dokopa akali Sipa Salemunapa nakambana yanda singi dupwa pipya yuu Kariko dokona kareyami. Yuu muiyane dokona akali palenge rara dupwana yanda singi taosande akalisa ipisu kingi paki (15,000) mee lete kareyami. Kareyaminyipape akali yanda singi ama soo kaeyo (120,000) pyao kumakayami.