Jone 9:31 - Anatunya Buku Baepole Ole Testamene Pii Lapo dee Nuu Tesamene

³¹ Anatumi yulu koo pingi wambu dupwana pii sakami nange. Sakami nalyamopape wambu mendeme Anatu ketae pyambuo yako lao karo baa letamuli pyuo pyuo karara ramo doko Anatumi dokonako pii sakamyuo karenge doko silyamano.

Jone 9:31 ပူးပေါင်းရင်းမြစ်များ

Jenesese 19:29

Anatumi wambu pau rulyiŋa dokona paleyami dupwa kokwa sinyi nembo karo Aporakamena lao sakapala Lote kaki rambe rambe paleyamopape yapanyi nembakamiya.

Jenesese 20:7

Epapu akalingi range keta pyamalyarenepa baa poropeta akali kandapi dokome loma sakaramopa mee lete karare. Dee range maiyakami nare ramo doko embape embena ree palupi peparae kumarami, leya.

Jopo 42:8

Dokona epapu mena bulamakao kali yanda ipingi nyepo sipisipi kali yanda ipingiko nyepala minyuo Jopo karamo dokona papala emba rangena ingyuo pyao kisape. Dokopa Jopome ateŋa lakara dokopa nambame banya ateŋa doko isingi yano pyakaro dee embame yulu kopetame pipinyi dupwana nambame elya renge jii naro. Baame nambana lao pii kinyi dupwa lengenyili pyuo laa nami.

Samu 145:19

Wambu baa ketae pyambungi dupwana yano pilyamo karenge dupwa maingi. Baame nakamanaee laminyi doko soo nyepala pyuo nyisingi.

Samu 40:8

Emba suu pyarenyili pyuo piri. Embena mawa pii doko nambana monarena manjo karenge, leya.

Aisaya 1:15

Embame kingi ketae pyambwapala ateŋa larene dokopa nambame lengeme emba kandalena eeya lara. Ateŋa malu lare panda akipare lare dusipana namba mende saka naro ingilyamo. Renge doko emba kingi ranjamako dokome karo larenesa dokona yaka laka naro ingilyamo.

Aisaya 58:9

Nakama ateŋa laraminyi dokopa nambame yano pyakaro. Dee nakamame namba kyakale laraminyi dokopa aopa ŋee lao sakaro. Renge doko nakamame wambu randa maingi yulupi kingi sikisame suu lao kooŋo lao lengepe pii koo lengepe dupwa yaki nyuo kaepala

Jeremaya 14:12

Nakama nenge naa napala nambame nyisa lao ee laraminyipape nambame nakamana ee see naro. Nakamame namba mena kiso joope dee nenge witi jingi kiso joope piraminyipape nambame nakama kando rae mai naro. Dokona ingyuo nambame nakama yanda pirami mendena lopo maiyuo yanyi maiyuo pyao kumakaro, leya.

Jeremaya 15:1

Enakana Kamongo dokome namba langyuo lao, Akali Mosese Samyuelepa dakena karapala namba piso sokondali pyuo lambili doko nambame wambu dapwa sakame kumuo pyuo nyii napuli. Wambu dupwa nyisa pena lape. Wambu dupwa nambana lenge kambu silyamo dokona kara napala neta pena lape.

Maeka 3:4

Nakama Kamongo kando ee larami yuu gii doko epelyamo dokopa ee laraminyipape baame nakama yulu koo pimi dokona nakamana ateŋa dupwa saka nara.

Jone 11:22

Doko epapu dakepa opetaeko embame Anatu mende pyakana lakare ramo doko Anatumi kapa pyakara doko silyu leya.

Jone 15:16

Nakamame namba yapalyapa nayaminyipa nambame nakama yapalyuo nakama wangya ingyuo jingi lyuo karala paraminyipa jingi dupwa lyuo karalu karena lao rombo palyiyu. Dopa pyuo kararami dokopa Rakaneme mende pyakana lao piso seraminyili pyuo pyakao karara.

Jone 4:34

Yesumi nakama lamaiya. Namba mapanyi peeyamo doko laramuli pyuo pyuo karo banya yulu pyuo kondanyi nembaro doko nambana nenge.

Jone 7:17

Akali mende baa laramuli pyuo pyuo karapuli lao suu pyara ramo doko mana pii doko Anatunya panda nambame iki sisu lao letepe lao soo gisara.

Jone 9:30

Akali dokome dopa lao isingi lamaiya. Pii nangende pyaka selamolyamo. Baa dokome dopa lao isingi lamaiya. Pii nangende pyaka selamolyamo. Baa anja karo epeya lao see namiko doŋo baame nambana lenge elya pyakapya.

Jone 9:32

Isa yuu doko kanda soo ingiyamo dokopa piso epo wambu mendeme akali lenge kwaesi manjo nyiyaminyi mendena lenge elya pyakamiyami leyaminyi see nange.

Ipuru 10:7

Kandapala nambame buku kao pele pele lasi dokona leyamuli pyuo dae karo. Emba suu pyarenyili pyuo piri leya.