Jone 8:20 - Anatunya Buku Baepole Ole Testamene Pii Lapo dee Nuu Tesamene

²⁰ Baame tembole anda dokona mana lamaiyuo karo dokopa kana mone retapa pingi anda dokona karo pii dasipa lao kareya. Lao kareyamopape banya yuu gii ene pyaka sepa nayasa mendeme baa puu mai nayami.

Jone 8:20 ပူးပေါင်းရင်းမြစ်များ

Matyu 26:55

Yuu gii dokopa Yesumi wambu malu rukuraka pyuo kareyami dupwa lamaiyuo, Nakambame namba kendepo kendepo nao waa nyuo karenge akali dokoreŋe lao suu pyapala kusape wua gelape minyuo namba puu maiyala epelyamisi? Yuu yangeyamo yaka lao namba tembole anda dokona mana lao peteyonopa nakamame namba kote lalana minyara nayami kande.

Matyu 27:6

Dokopa purisi mupwa dupwame kana mungyu nyepala akali pyao kumakarama lao yole maimwa kana doko nyuo misi andana kana pyasu retasarama dokona Mawa Pii palamo leyami.

Make 12:41

Enakana tembole anda dokona Anatunya kana retenge bokote mendena kana retala epenge doko suu pyao wambu malumi retala epeyaminyipa Yesu dusa piso kando peteya. Kando peteyamo dokopa wambu bange malu retenge dupwame kana malu minyuo epo pyambuyami.

Make 12:43

Reteyamo dokopa Yesumi banya disaepole dupwa epena lapala nakama dopa lamaiya. Kinyi langilyu, enda waiya muiyane dokome banya kana koole lama dolapo minyuo epo retelyamo dokome wambu dupwa kana mone malu epo retelyaminyi dupwana mone kuki ingyuo pupyasa banya doko malu ingyuo pelyamo.

Luku 20:19

Yuu gii dokopako Mawa Pii mana lenge dupwape purisi akali mupwa dupwapeme baa puu maiyalana pyuo karo mee wambu dupwa kando pakao kareyami. Baame nakamasa kando kongwalu pii doko lapyalyamo lao sepala baa puu maiyalana piyami.

Luku 21:1

Baa lenge pendakae lapala wambu bange malu singi dupwame Anatu mone maiyuo retenge bokote dokona mone reto kareyaminyi kandeya.

Jone 10:39

Dokopa dee kamba baa puu mainya lareyami dokopa baa kolala peya.

Jone 2:4

Dokopa Yesumi baa dopa lamaiyuo, Embame namba aki mende pinya lao suu pilisi? Nambana yuu gii ene pyaka sepa nalyamo leya.

Jone 7:14

Nenge nao suku suku paleyami dokopa Yesu tembole anda dokona lalyuo pao mana lao kareya.

Jone 7:30

Dokopa nakamame baa puu maiyalana suu pyao lao kareyaminyipa banya yuu gii doko ene pyaka sepa nayamo dokome wambu mendeme baa minyara nayami.

Jone 7:44

Lapome baa puu maimwali yaka lao suu pyao kareyaminyipa mendeme baa minyara nayami.

Jone 7:8

Nakama range nenge narami dokona pupwape. Nambana yuu gii pyaka sepa nalyamo dokona nenge narami dokona namba epapu paa naro leya.

Jone 8:2

Wamba yangama dokopa tembole anda dokona dee kamba epeya. Wambu peparae baa kareyamo dokona epeyaminyipa baame isa pisipala mana lamaiya.

Jone 8:59

Dopa leyamo dokopa nakamame baa kaname pyamanale lao lapo nyiyaminyipa Yesu yalu pipala tembole anda dokona potemo peya.