Jone 8:18 - Anatunya Buku Baepole Ole Testamene Pii Lapo dee Nuu Tesamene

¹⁸ Namba rangeme dopa pyuondeŋe lao karonopa Rakange dokome namba dopa pyuondeŋe lao karengeko leya.

Jone 8:18 ပူးပေါင်းရင်းမြစ်များ

Jone 10:11

Namba sipisipi dupwana rapu pingi angingyuo karo. Rapu pingi angi keyange doko sipisipi dupwana lao kumuo maira, kumakamingi.

Jone 10:14

Namba sipisipi angi keyange rapu pyuo karenge. Rakange dokome namba soo gisilyamopa nambame Rakange doko soo gisingi doko suu pyao nambame nambana range dupwa soo gisilyunupa nambana range dupwame namba soo gisingi. Dopa pilyamo dokopa nambame nambana sipisipi dupwa reke lao kapa kumakamairu ingilyamo.

Jone 10:30

Namba Rakanepa mendaki ingyuo karambano leya.

Jone 10:9

Namba kambu dowa doko. Mendeme namba keta epara ramo dokopa lete wai pyao papala baa potemo konando pyuo karo dokopa pama nenge nenge doko kando nao karara.

Jone 11:25

Yesumi baa dopa lamaiya. Sipurao epengepe lete karengepe renge dolapona namba renge kuiyuo karo. Akali mendeme namba kapa ingingi lao suu pyao mona jera ramo doko baa kumapalape mende lete karara.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

Jone 8:25

Nakamame baa lamaiyuo, Emba apisi? leyami. Yesumi nakama lamaiya. Wamba kanda soo piso langyuo kareyo kande dokoko.

Jone 8:38

Nambana Rakangena lenge kambu dokona kandeyonuli pyuo lao karo, nakamame nakamana rakange langilyamo nyili pyuo pyuo karenge leya.

Jone 8:51

Kinyi kinyi langilyu, mendeme nambana pii lengenyili pyuo pyuo kararami ramo doko kumungi renge doko kanda nara.

Jone 8:58

Yesumi nakama lamaiyuo, Kinyi kinyi langilyu, Aporakame ene karapa nayamopa namba kareyono doko erotonge mee karalu karenge.

Ipuru 2:4

Anatumi dopako pyuo kyawa minyara pii doko porainyi pyambuli lao yulu wambumi pii nangepe yulu wakale wakale porai dupwape pyuo lasaka pyuo baame Imambu Poo Pyasi maiyuo yulu dupwana mora pisinyi pyambuyamopa pyuo peteyami.