Jone 8:11 - Anatunya Buku Baepole Ole Testamene Pii Lapo dee Nuu Tesamene

¹¹ Baa, Kamongo lapala, Mendeme laa naramilyamo leya. Dokopa Yesumi lao, Namba opetaeme emba koo pingiŋi laronde daa. Papala deeko kamba koo pyuo pisa napipi leya.

Jone 8:11 ပူးပေါင်းရင်းမြစ်များ

Aisaya 55:6

Kamongo baa keta kapu kyuo papala ateŋa lalapape. Dakepa baa nakama repeta epo karamo.

Luku 13:3

Daa langilyu. Nakama dae karaminyi dupwa mona enenge palyuo kara narami ramo doko nakama opetae dopa pyuo kwao parami.

Luku 13:5

Daa langilyu. Nakama dae karaminyi dupwa mona enenge palyuo kara narami ramo doko nakama opetae dopa pyuo kwao parami leya.

Luku 15:10

Doko suu pyao dopa langilyu. Wambu yulu koo pingi mendakindeme koo dupwa yaki nyepala mona enenge palyuo kararamo dokopa Anatunya aŋala dupwame kando mona pyakalyuo pyao kararami leya.

Luku 15:32

Epapu male lao yalya kando rae maiyuo karamano doko kapa rolae pilyamano. Embena yangonge kumuya lao suu pyao kareyoŋo epapu lete epo karamo. Baa puu pao peya lao suu piyuŋu epapu kando nyilyamano, leyaŋa, leya Yesumi.

Luku 15:7

Doko suu pyao dopa langilyu. Wambu 99 yulu rolae pingi dokome yulu koo yaki nyepala mona enenge palyuo kararami ingya naramo dupwa yake panda karenge dupwame kando rae maiyuo kararaminyipape wambu koo pingi mendakindeme yulu koo yaki nyepala mona enenge palyuo kararamo dokopa yake panda karenge dupwame kando ama kama rae andake maiyuo kararami leya.

Luku 5:32

Dokona ingyuo namba rolae pingi wambu dupwa mona enenge palyuo karena lala epeyonde daa. Yulu koo pingi dupwa nakama mona enenge palyuo karalapape lao epelyo leya.

Luku 9:56

Dokopa nakama anda kuki lama repe repe pyuo karenge wakale mendena peyami.

Jone 18:36

Yesumi isingi lao, Nambana isingi yulu doko dae isa panda pali nalyamo. Nambana isingi yulu doko isa pandana yulu ingyuo pupyali doko nambana yulu pingi akali dupwame Juu wambu keta namba nyuo peeya nana lapala pyakando pimili. Nambana isingi yulu doko isa wambunya yulu dopale ingyuo paa nalyamo leya.

Jone 3:17

Dokonako ingyuo Anatumi Ikinyingi dokome isa wambu dupwa yapalya yapana pyuo lao koo keta palyala pena leyande daa. Baame isa wambu dupwa lete wai pyao nyera lao pena leya.

Jone 5:14

Enakana dokopa baa tembole anda dokona kareyamopa Yesumi baa kando nyepala dopa lamaiya. Emba mee ingyapyamopa karene kande. Koo andake mende emba keta dee epa nana lao yulu koo dee kamba pyuo kara napipi leya.

Jone 8:15

Nakamame yanengena ketae kando koo epengepe yapalya yapana pyuo lenge. Namba wambu koo epengepe yapalya yapana pyuo lao kara nalyo.

Orome 2:4

Anatunya yulu keyange anjiki pyuo waiya lao randa jii nao pilyamo doko mee kuki lapala pilyamipi? Yulu elyape dokome Anatu nakama mona kapu kyuo karalale lao pilyamo doko soo kanda nalyamipi?

1 Korina 5:12

Kurisene angi daa dupwa nambame apa pyuo koteme larose? Anatu banya kote dokona nakama kando lara. Dopa piramopape nakama range Elyambu Pingi wambu dupwana lapo koo pirami ramo dokopa nakamame kote pii laa naramisi? Anatu pii poo pyasi dokona lao dokopa, Akali yulu kopetame pingi doko nakamana Elyambu Pingi doko kala pena lao neta nembarami letamo.

2 Pita 3:15

Anatumi Pole nyisiyamopa baame pii keyange lao Anatumi nakama mona kapu kyamili lao maka napala iso karamo leya dokonako palyuo leto.