Jone 7:42 - Anatunya Buku Baepole Ole Testamene Pii Lapo dee Nuu Tesamene

⁴² Koraisa Dapitinya para pyasi ingyuo yuu Beteleme taone Dapiti paleya dokona rae epara ingilyamo lao pii pyasi dokona pali nalyase? leyami.

Jone 7:42 ပူးပေါင်းရင်းမြစ်များ

Samu 132:11

Embame Dapiti kando pii lalu lao lee doko dee range nyii nare ingyara. Pii Dapiti kando leene dupwa nambame embena ikinyingi mende kiŋi wasaronopa emba karenge alo dokona nakama iso karara, lee.

Samu 89:4

para pyao nyere dupwa kiŋiko ingyuo parami. Embena para pyao nyere wambu keta kiŋinya isingi yulu doko boneŋe sinya lao nyakaro lee kande.

Aisaya 11:1

Kiŋi Dapitinya kiŋi yulu alonge dokona banya rara dokona mende pulyara. Doko isa pokwasi renge dokona angalu pyakalyingi dopale ingyara.

Jeremaya 23:5

Kamongo dokome lao, Dapitinya para pyasi dokona yulu rolae pingi mende kiŋi inginya lao wasaro yuu gii doko epelyamo. Yuu liti dokona kapa kapa pyuo kiŋi dokome mona angi palipala anjuku rolae lao rolo pyuo rapu pyuo karara.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Matyu 1:1

Pii pyasi dake Yesu Koraisana rora ambasu dupwana lao pyasi palamo. Yesu baa Dapitinya rara dokona dee Dapiti baa Aporakamena rara dokona.

Matyu 2:5

Nakamame baa lamaiyuo, Yuu Jutia dokona yuu Beteleme doko silyamo dokona manjarami ingilyamo. Anatunya poropeta akali dokome dopa lao pyao reteya.

Matyu 2:6

Yuu Juta dokona Beteleme taone doko kuki ingya napala taone doloma pipya Beteleme yapo kingi londara. Dokona ingyuo Beteleme range akali mende sipurao Kamongo ingyapala Isaraele wambu dupwa mondo lao rapu pyuo karara leya.

Luku 2:11

Dokona lao epapu Dapitinya yuu taone dokona wane mende manjakami. Baa Kamongo Koraisa dokome nakama lete wai pyao nyera.

Luku 2:4

Yuu Galili dokona yuu Nasarete anda malu repe repe pyuo karenge doko yaki nyepala Josepe yuu Jutia dokona lalyuo pao Dapiti wamba kareya dokona ree palu dokona mendeme baa mandeya dokome baa Dapitinya yuu dokona yuu taone Beteleme lenge dokona peya.

Jone 7:27

Dopa pipyamopape akali dake anja karo epeya lao soo gisilyamanopape Koraisa angi doko panaramo dokopa wambu mendeme baa anja karo epara lao see narama leyami.

1 Samyuele 16:1

Kamongo Anatumi Samyuele lamaiyuo, Yuu akipare emba Solena lao mona rando kararepe? Nambame baa Isaraele wambu dupwana kiŋi ingyuo kara nara leyo kande. Emba isa olipinya mamba wele ipwange doko nyepe. Nyepala minyuo pao nambame emba yuu Beteleme dokona akali mende banya kingi Jese lenge karamo dokona mapanyi nembelyo. Wamba nambame dokona ikinyingi mende kiŋi ingyuo karara lao rombo palyuo wasiyu dokona mapanyi nembelyo, leya.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 16:4

Kamongome leyamuli pyuo Samyuele baa yuu taone Beteleme dokona peya. Peyamo dokopa akali mupwa dupwame baa walu lao kando nyepala dopa lao piso soo, Poropeta, emba mona kyuu lao sera mendena epelepe? leyami.

1 Samyuele 17:58

Peyamo dokopa Soleme piso soo leya. Wane emba apinya ikinyingisi? Dokopa Dapitimi isingi lao, Embena kendemande akali Jese yuu Beteleme range dokona namba ikinyingi, leya.