Jone 5:19 - Anatunya Buku Baepole Ole Testamene Pii Lapo dee Nuu Tesamene

¹⁹ Yesumi nakama dopa lamaiya. Kinyi kinyi langilyu, Ikinyingi baame yeelyo sisu lao mende pii nange. Rakangeme pyuo karenge kandelyamo yulu doko iki kapa pingi. Dokonako ingyuo Rakange pilyamuli pyuo Ikinyingi dokome pyuoko karenge.

Jone 5:19 ပူးပေါင်းရင်းမြစ်များ

Jenesese 1:1

Kanda soo dokopa Anatumi yake pandape isayuupi peparae pyuo ingiyamo dokopa

Jenesese 1:26

Kandapala dokopa Anatumi lao, Enda akalipi namwa yale lama isa komba pyao wasamanale. Nakambame ipwa petena oma dupwapeyakena yaka dupwape mena dupwape yuunya panga panga papingi bangepe yuu muu dupwana peparae baa iso kando kararaŋa, leya.

Samu 27:14

Kamongo keta pyamalyuo karape. Baa kapa ingingi lao suu pyao karape. Mona nemba napala baa keta pyamalyuo karape.

Ekesetase 4:11

Dokopa Kamongome lao, Apimi wambunya nenge kata retakamiyase? Apimi renge kuiyuo kale poeyo pii pyakame soo pingisi? Apimi baa kandena lao lenge ranyi retope dee kwaeyo pingisi? Yulu dupwana pingi doko Kamongo nambaŋa.

Aisaya 44:24

Namba Kamongo doko nakamana pyuo nyingi akali. Nambame iki nakama wasiyu. Nambameko Kamongo ingyuo karapala bange silyamo dupwa peparae wasiyu. Nambame iki yake doko nyuo pyasinju lanyi reteyo. Dopa pyuo isa yuu dake wasiyuŋu dokopape mendalimi namba nyiso kara nayako.

Aisaya 45:24

Nakamame lao namba keta iki anamasi minyuo wini pingi rengepe dee porainya rengepe dupwa kando nyerama ingilyamo larami. Dopa piraminyipape wambu lapo namba kando epe kanda nalyaminyi dupwa randa andake nyuo elyame kumuo kararami.

Matyu 26:39

Dopa lapala mee mende papala pangu sepala ateŋa lao dopa leya. Nambana Rakane, kapa ingyara ramo pee lomasi dake namba kaepala pena lapili yaka. Dopa lapili lao suu pyapunupape nambame laro doko kapa daa, emba lare doko kapa, leya.

Luku 21:15

Nambame nakama nyisaronopa suu pingi keyange paleta pii mora piso lao kararaminyipa nakama kando letaminyi dupwa apiyanda pyuo lisa pirami.

Jone 10:18

Namba daa laronopa mendeme namba pyao kumakaraminde daa. Namba range maso kumuo mairu renge dokope dee kamba lete paro renge dokope namba range keta palamo. Nambana Rakangeme dopako piri langiyamuli pyuo piro leya.

Jone 12:49

Dokona lao nambame sisu lao lapunde daa. Rakane namba mapanyi peeyamo dokomeko namba pii laro dupwa langipyamosa pilyamo.

Jone 12:50

Dokona suu pyao baame lalu lao leyamo pii doko kyakana renge kulisa doko sulu singi doko soo gisilyu. Dokona pii lao karo doko Rakaneme dopa lape lao lapyamuli pyuo leto leya.

Jone 14:10

Namba Rakanena arapunya karapunupa Rakane doko nambana keta karamo doko kinyilyamo lao suu pyaa nalyamisi? Pii langyuo karo doko namba rangeme sisu lao langyuo karonde daa. Rakane namba keta karapala banya yulu range pyuo karamo.

Jone 2:19

Yesumi isingi dopa lamaiya. Tembole anda dake pyao lalinyi nembarami ramo dokopa namba yuu remasa dee piru.

Jone 3:3

Yesumi baa lamaiyuo, Kinyi kinyi langilyu, mendalipi kyaka ingyuo manjo nyii nara ramo dokome Anatunya isingi yulu doko kando nyii nara leya.

Jone 5:21

Dokona suu pyao Rakange dokome wambu kumuo palenge dupwa lete minyalyuo nyingi doko suu pyao Ikinyingi opetaeme lapo letena renge mairu lao suu pilyamuli pyuo maingi.

Jone 6:38

Dokona lao namba yake panda karapala isa epo dokopa range suu piyunuli pyuo pila epeyonde daa. Namba mapanyi peeyamo dokome laramuli pyuo pyuo karala epeyo.

Jone 8:28

Dokopa Yesu dopa leya. Ikinyingi Akali minyalyuo nyerami dokopa namba Baaŋa lao soo manji nyerami. Namba range sisu lao mende pii nao Rakange dokome mana langiyamuli pyuo lao karee lao soo gisarami.

Jone 9:4

Yuu yango karamo dakepa namba mapanyi peeyamo dokona yulu doko pyuo kararama ingilyamo. Iminjaramo dokopa mendeme yulu kapa kando pii nange yuu gii doko oo epopyamo.

APOSELENA YULU 2:24

Dopa piyaminyipape Yesu baa mee kumuo pali nara ingiyamopa Anatumi kumunginya randa dupwa ramanyi yaki nyepala baa minyalyuo nyiya.

Orome 6:4

Dokona lao bapitisimo nyiyamano doko baa kumuyamuli pyuo kumuo palipala Koraisa banya Rakangena porainya renge wakasa dokome lopo nyiya. Doko suu pyao namwa wakale enenge ingyuo lete kararama.

Orome 8:11

Anatunya Imambu nakama keta palirande ramo baa Koraisa Yesu lete minyalyuo nyiya doko suu pyao nakamana yongo doko minyalyuo nyerako.

1 Korina 15:12

Koraisa lopo epeya dokona lamwanopape apa pyuo nakama lapome kumungi doko lopo epa nange letamisi?

2 Korina 4:14

Anatumi Kamongo Yesu lete sipuro nyiyamo dokome namwa opetae Yesu role pyao minyalyuo nyera. Nyepala dokopa namwape nakamape role pyao banya lenge kambu seramo dokona lanyuo epara, doko silyamano.

2 Korina 5:10

Namwa peparae Koraisa kote lao karara dokona paramano dokopa baame namwa apa pyuo yulu piyami lao yapalyuo sera. Yuu gii dokopa namwa isa yuu karo yulu keyange pyuope panda yulu koo pyuope dokona namwana yulu piyamuli pyuo mendaki mendaki lao yole yano nyerama.

Epesasa 3:16

Kamongo Anatunya yanga paupau lenge renge jingi ingyuo lyuo karamo doko Imambu keta epo nakama maralyapala mona andarena porainyi pyambunya lao ateŋa lakalyo.

Pilipai 3:21

Anatumi namwana isa wambunya yongo kwaelyamo dupwa kaepala banya yongo yanga paupau lenge dokona makande minyuo alowa pyuo jera. Banya porainya renge isa bange peparae nyuo isa palyingi dokome kapa pira.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Kolosi 1:11

Dokonako ingyuo banya porainya renge wakasa dokome nakama porainyi pyambwaramopa randa malu eparamo dokopa mona kuki palyuo rae maiyuo kararami.

Kolosi 1:16

Baa ketako yake bange dee isa bange dupwapeko wasisi silyamo. Bange kandenge dee mendeme kanda nangepe Imambu dupwape kiŋi dupwape kamongo dupwape gapomane dupwape baa ketako pyuo ingiyamopa banyako silyamo.

1 Tesalonaika 4:14

Yesu kumapala dee lopo neta epo peya doko kinyi lao suu pilyamano. Dee kapu kyuo eparamo dokopa Anatumi wambu mona kapu kyingi kumuyami dupwa Yesupa role pyao lanyuo epara doko kinyi lao suu pilyamanoko.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.

Orepalaisane 2:23

Enda banya wane wanakepe pyao kumakaro dokopa Elyambu Pingi wambu peparae nambame wambunya suu pingi mona anda dupwa kando soo giso karo doko serami. Sepala nambame isa wambu yulu piraminyili pyuo manda manjo kingi kisaro doko serami.