Jone 4:3 - Anatunya Buku Baepole Ole Testamene Pii Lapo dee Nuu Tesamene

³ Parisi dupwa soo karaminyi lao soo gisapala Kamongo dokome yuu Jutia yaki nyepala yuu Galili dokona peya.

Jone 4:3 ပူးပေါင်းရင်းမြစ်များ

Matyu 10:23

Taone mendena randa jiyami kande dokopa taone mende maki pyuo karara dokona ralo papa pipape. Dokona lao kinyi langilyu, Isaraele wambu dupwana anda repe repe pyuo karenge dupwana nakama ene papipa naraminyipa Ikinyingi Akali epara.

Make 3:7

Yuu doko yaki nyepala, Yesu banya disaepole dupwa pipya role pyao ipwa maronge dokona peyami. Papala wambu malu yuu Galili range dupwa baa peyamuli pyuo peyami. Dokopa Jutia rangepe

Luku 17:11

Jerusaleme panya pao yuu Samariapa yuu Galilipa liti dokona kanya peya.

Jone 1:43

Dokona yangama dokopa Yesu Galili dokona paro lao suu pyapala Pilipa koto kando nyepala namba paronuli pyuo ipupi, lamaiya.

Jone 10:40

Papala dee ipwa Jotane yalo pao Jone wamba kanda soo wambu bapitisimo nyakamyuo kareya dokona pao kareya.

Jone 11:54

Dokopa Juu wambu kareyami panda dokona Yesu dee panembena papyuo kareyande daa. Kara napala yuu doko yaki nyepala yuu nemba nemba yuu muiyane repeta siyamo doko anda malu palyuo kareyamo yuu Eporaime lenge dokona peyamopa disaepole dupwa role pyao kareyami.

Jone 2:11

Yuu Kena yuu Galili siyamo dokona Yesumi yulu andake doko kanda soo lasaka piya. Dokome banya yanga paupau lenge yulu doko nolakaya. Dokopa banya disaepole dupwame baa kapa ingingilyamo lao suu pyapala mona maiyami.

Jone 3:22

Enakana Yesumoo disaepole dupwa pipya yuu Jutia dokona peyami. Dokona baa nakama role pyao karo bapitisimo nyakamyuo kareyami.

Jone 3:32

Baa kandeyamo dupwa lao rolo karapyamopape mendeme banya pii doko yako lao sepa nalyaminyi.

Jone 4:47

Yesu Jutia karo Galili dokona ipyalyamo lao sepala akali doko banya wane kwaeyamo siyasa baa kareyamo dokona papala pyuo nyakala lano ipili yaka lao piso sokondali piya.

Jone 7:1

Enakana Yesu yuu Galili dokona papyuo kareya. Jutia wambu dupwame baa pyao kumakalana pyuo kareyami dokona baa yuu Jutia dokona papyuo kara naro lao suu piya.