Jone 19:9 - Anatunya Buku Baepole Ole Testamene Pii Lapo dee Nuu Tesamene

⁹ Pakapala kote singi anda dee kolando papala Yesu lamaiyuo, Emba anja karo epee? leya. Dopa leyamopa Yesumi isingi mende laa naya.

Jone 19:9 ပူးပေါင်းရင်းမြစ်များ

Aisaya 53:7

Baa koo keta palyuo pyao lao randa maiyaminyipape kambu lumbuo pii mendepe laa napala koo nono ingyuo elya kalo randa nyiya. Mena sipisipinya ikyane pyalana lanyuo penge dokopa kae laa nao penge panda sipisipi mendena emanji pyaki pilyaminyipa sipisipi doko kae laa nao karenge doko suu pyao baa pii mende laa nao kareya.

Matyu 26:63

Dopa leyamopa Yesu roma napyuo kareya. Dokopa purisi akali mupwa wakasa dokome baa lamaiyuo, Anatu lete karamo dokona kingi lao, Emba Koraisa Anatunya Ikinyingipi mee lao namwa rolo langipi, leya.

Matyu 27:27

Dokopa kyapo mupwa dokona yanda singi dupwame Yesu kyapona anda andakare lanyuo pao yanda singi yango dupwa peparae epena leyami. Lapala baa nyuo sukusa pyambuyami.

Luku 23:9

Rae maipala baame baa pisapa pisapa pyuo kareya. Dopa pyuo kareyamopa Yesu baame isingi lamai naya.

Jone 18:28

Dokopa wamba kukwa Kayapasana anda doko kaepala Yesu lanyuo kyapona kote singi anda dokona peyami. Nakama rangeme Juu wambunya yulu suu pyao namwa elyape ingya naramosa Pasopa nenge kapa naa nasarama lapala kyapona kote singi andakare dokona paa nayami.

Jone 18:33

Pailateme kyapona kote singi anda dokona dee papala Yesu epena lapala, Emba Juu wambunya Kiŋisi? lamaiya.

Jone 18:34

Yesu isingi lao, Embame range maso letepe panda lapome namba lao langiminyi letese? leya.

Jone 18:37

Leyamo sepala Pailateme Emba kiŋi lyasilisi? leya. Yesumi isingi lao, Embame namba kiŋi lalene kandapi. Kinyi lengena renge polo lao kararo renge mendaki dokonako isa panda dakena namba manjo nyiyami. Wambu kinyi lengena renge wambu keta karaminyi dupwa peparaeme nambana pii soo karenge, leya.

Jone 19:10

Dokona Pailateme baa lamaiyuo, Namba pii mende langiri ingya nalyase? Emba mokwaro dokope isa mamandona pyao palyaro dokope range doko namba keta palamo lao emba see nalese? leya.

Jone 19:8

Dopa leyaminyi sepala Pailate dee pakaya.

Jone 8:14

Yesumi isingi dopa leya. Namba rangena yulu suu pyao lapunupape nambana pii kinyi ingyuo pelyamo. Namba anja karo epeyo lao anja paro lao soo gisapala lao karo. Soo gisapunupape nakamame namba anja karo epee lao anja pare lao soo walengena palya nalyaminyi.

Pilipai 1:28

Nakamana nyisu petenge dupwa kando paka napala mona kuki palyuo karalapape. Nakambame nakama kandapala nakama anamasi minya napala koo keta parami doko soo manji nyerami. Anatumi nakama nyisaramopa nyisu petenge dupwa pyuo anamasi minyarami ingilyamo.

Jasi 13:6

Enakana enda baa anda pao akalingi lamaiyuo, Anatunya akali mende namba pisipu dokona ipya. Ipyamo dokopa banya lenge kambu doko Anatunya aŋala dopale ingyapyamosa namba paka pipya. Dokopa nambame yuu anja karo ipya lao piso see napu. Dee aŋala banya kingi namba langi napyako, leya.