Jone 19:28 - Anatunya Buku Baepole Ole Testamene Pii Lapo dee Nuu Tesamene

²⁸ Enakana Yesumi banya yulu peparae dupwana lumwa pyaamo lao soo gisapala pii pyasi paleyamuli pyuo dopa leya. Namba nano pilyamo leya.

Jone 19:28 ပူးပေါင်းရင်းမြစ်များ

Samu 22:15

Nambana pendoko doko yuu sinjimu yando nasi ingyuo oo lapya. Dee nambana kekenge yando napala neketaiye dokona parapya. Embame namba sinjimu dokona soo kumalale lao yaki nyuo kaeyapi.

Samu 69:21

Namba lopo piyamo dokopamauli nyuo jiyami. Namba ipwa nano piyamo dokopa ipwa waene kau pingi doko nyuo jiyami.

Luku 12:50

Namba bapitisimo mende nyero ingilyamo doko pyaka sepapyali yaka lao monarena reke lao karalu karapyamopa karo.

Luku 18:31

Akali akalisa ipisu lama kareyami dupwa nyepala baame dopa lamaiya. Namwa Jerusaleme dokona pelyama kande. Parama dokopa Anatunya poropeta akali dupwame Ikinyingi Akali dokona lao pepa pyao reteyaminyili pyuo pii peparae pyaka sera lyakande.

Luku 22:37

Dokona lao langilyu, Anatunya pii pyasi dokona, Baa akali yulu koo pingi dopale lao suu piyami, pii dokona palyuo namba keta palira. Nambasa kando lao pyasi palamo pii dupwa peparae pyaka sera ingilyamo leya.

Luku 9:31

Akali dolapo yanga paupau lao pano epapala Yesu Jerusaleme dokona Anatu laramuli pyuo kumara dokona lao kareyami.

Jone 13:1

Pasopa nenge repeta pyaka siyamo dokopa Yesumi isa yuu dakena yaki nyepala rakange keta paponolyamo lao soo manjo nyiya. Baame banya wamba mona reto kareya dopako pyuo mona reto karo kumuya.

Jone 17:4

Isa yuu dakena karo yulu jiinyi doko nambame pyuo otapunupa dokome emba ketae pyambwasi karamo.

Jone 18:4

Dokopa Yesu baa keta piramo yulu dupwa peparae soo gisapala lenge kambu siyamo dokona epapala nakama lamaiyuo, Api kotelyaminyi? leya.

Jone 19:24

Pilya namane, lapala apimi embone piso nyera lao yulu mende pyuo piyami. Pii pyasi doko, Nambana komau pingi dupwa mokwa soo nyiyami. Nyepala nambana komau doko apimi embone piso nyera lao mende pyuo piyami, paleya. Pii pyasi paleyamuli pyuo yanda singi dusipame piyami.

Jone 19:30

Yesumi waene kau pingi doko napala baame lao, Pyuo otalyano leya. Lapala ayemba pongwa napala kumuyamopa imambu rekya lao peya.

Jone 19:36

Kuli roo pyao pii nayami doko, Banya kuli mendepe roo pyao pii nara, lao Baepolena paleyamuli pyuo piyami.

Jone 4:34

Yesumi nakama lamaiya. Namba mapanyi peeyamo doko laramuli pyuo pyuo karo banya yulu pyuo kondanyi nembaro doko nambana nenge.

APOSELENA YULU 13:29

Dokopa baasa kando dopa pyuo palira dopa pyuo pirami lao Anatunya pii pyasi paleyamuli pyuo nakamame pyuo otapala isa mamando baa yukwaro paleyamo dokona baa neta nyepala malu andana palyiyami.