Jone 19:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dokopa Yesu nyiyaminyipa baa range banya isa mamando doko soo netarena pao yuu kingi Kyawa Kuli lenge (Ipuru pii lao Golokota lenge) dokona peya.

Jone 19:17 ပူးပေါင်းရင်းမြစ်များ

Jenesese 22:6

Dopa lapala Aporakameme isa waisi yangarambi dupwa nyuo Aisakeme sinya lapala baame isarepe wua kemape minyiyamo peyambi.

1 Kiŋi 21:13

Lapala orasakele akali dolapome baa kooŋo Anatunya lenge kambupi dee kiŋinya lenge kambupi dolapona kokwa soo pipya leyambi dokopa yuu taone dokona Napote minyuo nyisa papala kaname pyao kumakayami.

Matyu 10:38

Dee, mendeme rangena isa mamando doko nyepala soo namba paronuli pyuo epa nara ramo doko nambana ingyuo kapa kara narako.

Matyu 16:24

Lapala Yesumi banya disaepole dupwa lamaiyuo, Akali mende namba paronuli pyuo eparo lao suu pyara ramo doko baa range kame soo kaepala banya isa mamando minyalyuo nyepala soo namba paronuli pyuo epara.

Matyu 27:37

Dokopa banya kyawa siya dorena baa kando kote leyami pii renge doko pepana pyao palyiyami. Pii doko dopa leya. Yesu dake Juu wambunya Kiŋi doko.

Make 10:21

Dokopa Yesumi akali doko kando mona reteya. Retapala dopa leya. Emba yulu mendaki iki kapa pii nangelyamo. Embena bange dupwa ropo pyao kana nyepala wambu muiyane dupwa mokwa soo mairi. Mairi ramo dokopa embena yole malu yake panda dokona sera. Maipala namba paronuli pyuo ipupi, leya.

Make 15:26

Kotena pii renge doko pyasi paleya doko, Juu wambunya Kiŋi, lao piyami.

Make 15:32

Emba Koraisa Isaraele wambunya Kiŋiŋi lenge doko namwa kinyilamo lao suu pyaramano dokona lao isa mamando yaki nyepala lupyuo epena, leyami. Akali isa mamandona baa role pyao kumuo paleyami dolapo opetae baa kilya kandalya kandana pyuo leyambi.

Make 8:34

Wambu malu banya disaepole dupwa pipwa kareyaminyipa Yesumi dae epena lapala nakama lamaiyuo, Akali mende namba paronuli pyuo eparo lao suu pyara ramo doko baa range kame soo kaepala banya isa mamando minyalyuo nyepala namba paronuli pyuo soo epara, leya.

Luku 14:27

Mendeme banya isa mamando doko soo namba paronuli pyuo epa nara ramo doko nambana disaepole ingyuo kapa kara nara.

Luku 23:26

Dokopa baa lanyuo pao akali mende Saimone lenge yuu Sairini range yuu nanesa karo katasa epeyamo doko minyarapala isa mamando doko nyuo lange dokona retakamipala Yesu wambo paramopa baa enakana soo Pena leyami.

Luku 23:33

Pao yuu Kyawa Kuli lenge dokona epapala baa isa mamandona pyao palyuo akali kendepo nenge dolapo opetae paki paki pyao palyiyami.

Luku 23:38

Isa mamando ketaerena pii pyasi, Dake Juu wambunya Kiŋi, lao pyao palyiyami.

Luku 9:23

Lapala wambu peteyami dupwa peparae lamaiyuo dopa leya. Akali mendeme namba paronoli pyuo eparo lao suu pyara ramo doko baa range kame soo kaepala yuu yangaramo yaka lao banya isa mamando minyalyuo nyepala soo namba paronuli pyuo epara.

Jone 19:13

Dopa leyaminyi sepala dokopa Pailate Yesu kamanda lanyuo papala panda mende Kaname Rambi Kwaasi lenge dokona pao peteya. (Panda doko Ipuru pii lao Gapara lenge.)

Jone 5:2

Jerusaleme dokona sipisipi potemo konanda pyuo papingi kambu repeta dokona ipwa pete mende siya. Doko Ipuru pii lao Betesaita lenge. Dokona anda kauwa kingi paki karenge.

APOSELENA YULU 7:58

Minyarapala taone dokona kame netarena dokona suu lanyi neta pyambwapala kana dupwame pyao kumakayami. Dokopa wamba kambuyanda piyami dokopa akali lapo baasa kando leyami dusipame nakamana pee pingi komau dusipa wanyane akali mende kingi Sole lenge dokona kimbu siyamo dokona reteyami.