Jone 19:1 - Anatunya Buku Baepole Ole Testamene Pii Lapo dee Nuu Tesamene

¹ Dokopa Pailateme Yesu nyuo pyaroko pinya leya.

Jone 19:1 ပူးပေါင်းရင်းမြစ်များ

Aisaya 50:6

Nambana matarena pinya lao yongo maiyuo kaeyo. Nambana angasi dupwa minyuo ipyuo nyuo lenge kambu kepakali kyasinyi piso kilya kando laminyi dokopa kaena laowape laa nayo.

Aisaya 53:5

Dopa pyuo peyamopape namwana koo pingi dupwana lao baa randa maiyuo pyaroko piyami. Baa yanenge poro lao randa nyiyamo dokome namwa pyuo lete nyiya.

Matyu 20:19

Lao otapala wambu rara wakale dupwa keta mairaminyipa nakamame baa giyalya giyana pyuo pyaroko pyao isa mamandona pyao palyuo pirami. Piraminyipa yuu repo dokopa lete minyalyuo nyera, leya.

Matyu 23:34

Dokona Anatunya poropeta akalipi rolae suu pingi akalipi mawa pii mana lenge akalipi lapo nakama karaminyi dokona mapanyi peelyo. Dokopa nakama dupwana lapo pyao kumakao isa mamandona pyao palyuo, lapo nakamana sinakoke anda dupwana pyarako pyao, lapo anda repe repe pyuo karenge dupwana randa maipapu pyuo kararami.

Luku 18:33

Nakamame baa pyaroko pyapala pyao kumakarami. Pyao kumakaraminyi yuu repo dokopa baa sipurara leya.

Luku 23:16

Dokona nambame baa randa maipala mokwaro, leya.

Luku 23:23

Dopa leyamopa nakama pii porakaiyuo kaeyo lao, isa mamandona pyao palyinya, lao yukusa nayami. Dopa lao banya pii nyuo kalyasi minyiyami.

2 Korina 11:24

Juu wambu dupwame wambu pyalana dokopa marapu dokome pyao karelyaminyipa yuu akalisa rema ipisu mange mendaki karo pingi doko suu pyao namba yuu kingi paki piyami.

Ipuru 11:36

Nakama nyepala kilya kando lao pyarako pyao kiimbwapala karapusi anda pyambuyami.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.