Jone 18:4 - Anatunya Buku Baepole Ole Testamene Pii Lapo dee Nuu Tesamene

⁴ Dokopa Yesu baa keta piramo yulu dupwa peparae soo gisapala lenge kambu siyamo dokona epapala nakama lamaiyuo, Api kotelyaminyi? leya.

Jone 18:4 ပူးပေါင်းရင်းမြစ်များ

1 Kiŋi 18:10

Embena Anatu lete karenge Kamongo dokona kingi lalu lao lao yuu muu dupwa peparaena awali lao kiŋi dokome emba koto papipya. Yuu gii mendepape isingi akali dokome emba yuu dokona kara naeŋe lao lamaiyamopa Ayapeme baa doko angiŋi lao lalu lao lena leto, leya.

Samu 27:3

Namba ami yanda singi peparaeme nyuo kako pyaraminyipape paka naro ingilyamo. Dee nambana yanda pimwai dupwame nyuo kuinya palyaraminyipape Anatu keta mona yukwarala karalu kararo.

Matyu 16:21

Yuu gii dokopale piso Yesumi banya disaepole dupwa lamaiyuo, Jerusaleme dokona paronopa kamongo dupwape purisi mupwa dupwape Mawa Pii mana lenge akali dupwamepe randa malu jepa pyuo karapala pyao kumakaraminyipa yuu repo dokona lete minyalyuo nyeramo paro ingilyamo, leya.

Matyu 26:2

Yuu gii lama epo paparamopa Pasopa nenge nenge doko pyaka sera. Dokopa Ikinyingi Akali doko isa mamandona pyao yukunya lao nyuo minya serami doko nakama silyaminyi, leya.

Matyu 26:21

Nenge nao peteyaminyi dokopa baa dopa leya. Kinyi langilyu, nakama petaminyi dokona mendeme namba mata kando lara, leya.

Matyu 26:31

Dokopa Yesumi nakama lamaiyuo, Kukwa dakepa namba keta mende piramo renge dokona nakama peparaeme namba yaki nyerami. Dokona lao pii dopa lao pyasi palamo. Anatumi sipisipinya rapu pingi akali pyarono dokopa sipisipi dupwa bolombalo larami, lao palamo.

Luku 24:44

Napala baame nakama dopa lamaiya. Namba nakama role pyao kareyamano dokopa nambame pii dopa langiyu kande, Mosesena Mawa Pii dokonape Anatunya poropeta akali dupwana pii dokonape kenane pii pyasi palamo pii dokonape nambasa kando lao palamuli pyuo pyaka sera ingilyamo langiyu kande, leya.

Jone 13:1

Pasopa nenge repeta pyaka siyamo dokopa Yesumi isa yuu dakena yaki nyepala rakange keta paponolyamo lao soo manjo nyiya. Baame banya wamba mona reto kareya dopako pyuo mona reto karo kumuya.

Jone 13:11

(Akali dokome mata kando lara lao soo gisapala lao nakama peparae elyape daa leya.)

Jone 18:5

Nakamame isingi lao, Yesu Nasarete range doko, leyami. Yesumi nakama lamaiyuo, Doko namba, leya. Jutasa baa mata kando leyamo doko nakama role pyapeta kareyami.

Jone 18:7

Baame dee piso soo, Api kotelyaminyi? leya. Dokopa, Yesu Nasarete range, dokoŋo leyami.

Jone 19:28

Enakana Yesumi banya yulu peparae dupwana lumwa pyaamo lao soo gisapala pii pyasi paleyamuli pyuo dopa leya. Namba nano pilyamo leya.

Jone 6:64

Nakama karaminyi dupwana lapo kinyi lalenelyamo lao suu pyaa nao karaminyi leya. Wambu angi suu pyaa nao kareyami dupwape baa matarena isakalya pira ingiyamo akali dokope wamba kanda soo dokopa soo kaeyo kareyamo dokome leya.

APOSELENA YULU 2:28

Embame lete penge kata doko lasaka pii kande embame namba repeta karakarenepa raeme kumaro leya.

1 Pita 4:1

Koraisa yanengena randa andake neyamo doko nakama keta sela epara lyakande doko doŋo mona kuki palyuo karalapape. Api mendeme yanenge dokona randa nyera ramo doko Satane kata rekya lao epo kararasa pira.